Kur SPAK nisi goditjet në nivele të larta të qeverisë, kryeministri Edi Rama, ministrat, krye bashkiakët dhe drejtorët qendror, filluan të delegojnë kompetencat te zëvendësit e tyre, për firmosjet e tenderëve, privatizimeve, kontratave të qirave, shpenzimeve e koncesioneve.
Pas Belinda Ballukut, Ogerta Manastirliut, Mirela Kumbaros, Anila Denajt të Bujqësisë, Igli Hasanit të Ministrisë së Jashtme, Ervin Metes së Financave e Albana Koçiut të Shëndetësisë; Niko Peleshi është ministri i tetë që delegon kompetencat te zv/ministri Enkelejdi Joti.
Por me ndryshimin, se ministrat e tjerë, ia kanë deleguar vartësve të gjitha kompetencat, ndërsa Niko Peleshi ia ka dorëzuar vetëm kompetencën për administrimin e pronave të ushtrisë, me të drejtën e plotë për të kryer çdo veprim me to.
Me Urdhër nr. 225, datë 20.2.2024, Ministri i Mbrojtjes, Niko Peleshi, ngarkon zëvendësin e tij, Enkelejdi Joti, të drejtojë çdo proces lidhur me ushtrimin e përgjegjësisë për administrimin e pronave të ushtrisë, brenda strukturave dhe në raport me institucionet e privatët.
Ai ka kompetenca të vendosë vetë e të nënshkruajë çdo vendim, urdhër dhe akt transferimi, heqje nga inventari, dhënie me qira dhe shitje pronash të ushtrisë, pa i marr leje as Shtabit të Përgjithshëm dhe drejtorisë ushtarake që ka në inventar e administrim pronat.
Në pikën 4 të urdhrit të ministrit Niko Peleshi, thuhet se shfuqizohet Autorizimi Nr. 2812/1, datë 4.12.2018, me të cilin ish-Ministrja e Mbrojtjes Olta Xhaçka, kishte ngarkuar me administrimin e pronave të ushtrisë, sekretarin Florjan Kali e ish-këshilltarin Amant Josifi, ortak i Olsi Ramës në grupin mafioz “Call-Center”.
Por, nga duart e ortakut të Olsit, administrimi i pronave të ushtrisë, ka kaluar në duart e Enkelejdi Jotit, mikut dhe sekserit të Edi Ramës; të cilin, më 13 prill 2023 e emëroi Zv/ministër të Mbrojtjes, , ndërsa në vitet 2017-2021 ka qenë Drejtor i QSUT, ku sipas KLSH ka pasur afro 200 milionë Euro korrupsion.
Fakti, që më se 3 vite Ministër i Mbrojtjes, Niko Peleshi i administroi vetë pronat e ushtrisë, ndërsa para 2 javësh ia la në dorë Enkelejdit, është indicie për të dyshuar, se aferat me këto prona do vazhdojnë.
Ose, nëpërmjet tij, do pastrohen abuzimet që ka bërë ish-ministrja Mimi Kodheli me sekretarin Arjan Kraja në vitet 2013-2017; abuzimet që ka bërë Olta Xhaçka me sekretarin Florian Kali e këshilltarin Amant Josifi në vitet 2018-2020.
Por dhe abuzimet që ka bërë vetë Niko Peleshi me sekretaren Geraldina Prodani, deri më 20 shkurt 2024, kur administrimin e pronave të ushtrisë ia dorëzoi mikut të Bablokut.Pamfleti
