Strategjia ‘bëjmë sikur…’
Gazetari dhe moderatori Lutfi Dervishi ka reaguar në lidhje me situatën e rendit dhe drejtësisë në vend, ku sipas tij çdo gjë po bëhet me strategji nga lartë.
Strategji! Që policia të mos merret me punën e saj: rendit publik, i është ngarkuar të merret:
me ndërtimet pa leje, me pyjet, me ndotjen e mjedisit, me korrjen e kanabisit, me shezlonët në plazh, me covid-in, me…Në SPAK janë 14 prokurorë (7 për korrupsionin dhe 7 për krimin e organizuar). Nga 14 njerëz kërkojmë gjithçka (që nga hetimi i bakshisheve, problemeve zgjedhore, etj) me përjashtim të hetimit të korrupsionit në nivele të larta!!!
Edhe SPAK nuk është “naiv”! E kupton lojën “bëjmë sikur…” Dosjet e nxehta i dërgoi në prokuroritë e rretheve!
Dosjen e nxehtë të Bild ia ngeci prokurorisë së Dibrës!
Çështjen e 3.4 milionë euro të “Tojotës” nga Belgjika e cilësoi “mos deklarim të hollash në kufi!!!” dhe ia dërgoi prokurorisë së Tiranës! Kaq!
