Më në fund vjen një lajm i mirë sa i përket koronavirusit në Shqipëri. Dy pacientë janë shëruar.
Bëhet fjalë për babain e pacientit zero, Viktor Kola, ose pacienti 1 të cilit para disa ditësh i kishte dalë tamponi i parë negativ, është shëruar plotësisht pasi edhe tamponi i dytë ka rezultuar negativ nga koronavirusi.
Viktori është babai i 28-vjeçarit i cili dyshohet se është pacienti zero në Shqipëri.
Para disa ditësh në emisionin Open, Kola u shpreh se virusi nuk duhej marrë me stres dhe panik dhe se ishte diçka që kalohej.
Lajmi është konfrimuar dhe nga ministrja Ogerta Manastirliu.
“Lajm i mirë
Dy pacientët e parë të hospitalizuar janë gati të lënë spitalin Infektiv pas testit konfirmues që përfundoi pak minuta më parë
Dy pacientë, kontakte të pacientit 0 që u identifikua me koronavirusin e ri në Shqipëri rezultuan negativ edhe në testin e dytë pas trajtimit.
Bravo ekipit të spitalit infektiv.
Por ju lutem kujdes. Të prekurit po shtohen, spitali infektiv ka sot katër pacientë në terapi intensive dhe numri i të shtruarve po rritet dita-ditës
JU LUTEM QËNDRONI NË SHTËPI!
Nëse keni shenja të sëmundjes kontaktoni 127”,- shkruan ministrja Manastirliu.