Një muaj para se të gjente vdekjen tragjike nga bashkëshorti i saj duke e hedhur nga kati i katërt, Liljana Rukaj ishte dhunuar sërish.
Në vendimin për urdhrin e mbrojtjes të dhënë nga Gjykata e Fierit dhe që mban datën 25 nëntor 2016 zbulohet se më 4 nëntor 2016 kishte qenë rasti i fundit i dhunës për të cilën 43 vjeçarja kishte kërkuar ndihmë.
“Incidenti i fundit ka qenë më 4 nëntor 2016 në mbrëmje, ku paditësja pasi i ka kërkuar llogari në lidhje me ekonominë e familjes është dhunuar nga i padituri. Në këtë situatë paditësja ka bërë dnoncimin e saj në komisariatin e Fierit duke kërkuar lëshimin e urdhrit të mbrojtjes”
“Paditësja i ka kërkuar Gjykatës zbatimin e ligjit pasi ndihet tepër e kërcënuar nga i padituri për jetën e saj e të fëmijëve të saj. Ndërsa pala e paditur Ferdinand Rukaj mohoi një fakt të tillë duke pretenduar se ishte paditësja që e krijonte një gjëndje të tillë në familje”
Në vendimin e datës 11 nëntor 2016 gjykata e Fierit vendosi:
-Të lejohet paditësja Ferdinanda Rukaj të shkojë së bashku me fëmijët e saj në banesën e ndodhur në lagjen “Kryengritja e Fierit”, bashkia Fier
-Urdhërohet i padituri Ferdinad Rukaj të mos i afrohet Liljana Rukakjt përtej një distance prej 2 metrash.
-Kohëzgjatja e urdhti të mbrojtjes fillon nga data e dhënies së vendimit 9 nëntor 2016 dhe do të vazhdojë deri në datën 9 Nëntor 2017
-Më 25 nëntor u mor në shqyrtim faza e dytë e seancës për vërtetimin e urdhrit të menjëhershëm të mbrotjes.
“Viktima tregon se ajo ndihej e frikësuar si për veten e saj, edhe kryesisht për fëmijët prandaj kërkonte të vazhdonte urdhrin e mbrojtjes”
Edhe në këtë seancë ishte i ngjashëm vendimi: Bashkëshorti nuk duhej ti afrohej gruas për një distancë prej 2 metrash”
Në këtë seancë bashkëshorti kërkonte që të mos jepte pensionin ushqimor për dy fëmijët por kjo u hodh poshtë.
Ministri Manjani deklaroi dje se do të çelte hetim administrativ ndaj gjyqtarit që ka dhënë vendimin ndërsa i kërkoi prokurorisë së Fierit të përfshijë në hetim edhe procesin e lëshimit të Udhërave të Mbrotjes!
“Do të çel të hënën një proces hetimor Administrativ.Në çdo rast ky hetim do sqarojë edhe përgjegjësitë përkatëse. Ekziston gjithashtu një rrugë tjetër më e shpejtë, hetimi Penal që besoj ka nisur tashmë! Prandaj i kërkoj që sot, Prokurorisë së Fierit të përfshijë në hetim edhe procesin e lëshimit të Udhërave të Mbrotjes! Prokuroria ka mundësinë ligjore të sqarimit dhe të veprimit të shpejtë për çdo person përgjegjës!”