Tentativë grabitje në Krujë, grabitësit plagosin me armë pronarin e një stalle bagëtish.
Disa persona me maska dhe të armatosur, në orët e para të mëngjesit kanë hyrë në një stallë me bagëti për të vjedhur.
Pronari i tyre, A.B., ka pikasur autorët, të cilin këta të fundit e kanë qëlluar me armë zjarri duke e lënë të plagosur.
Sipas policisë ngjarja ndodhi në orët e para të mëngjesit në fshatin Kamberas të Krujës.
Njoftimi i policisë:
Krujë/Informacion paraprak
Më datë 07.05.2020, rreth orës 02:25, në fshatin Kameras, Fushë Krujë, gjatë një tentative për vjedhur bagëti të imëta në një stallë në pronësi të shtetasit A. B, 44 vjeç, ka mbetur i plagosur me armë zjarri shtetasi A. B., i cili ndodhet në spital, nën kujdesin e mjekëve, jashtë rrezikut për jetën.
Në ambientet e Policisë janë shoqëruar disa persona të dyshuar ai autorë të ngjarjes. Grupi hetimor po punon për zbardhjen e plotë të saj.