Në orët e para të mëngjesit të sotëm një pikë karburanti është grabitur në Levan të Fierit.
Ngjarja ndodhi rreth orës 04:40 të mëngjesit, ndërsa sipas policisë ka qenë punonjësi i karburantit, shtetasi me inicialet T.S., deklaroi se përmes kërcënimit autorët i kanë marrë xhiron ditore.
Autorët kanë vjedhur rreth 30.000 lekë dhe më pas janë larguar në drejtim të Fierit me një mjet tip “Fiat”.
“Në datën 02.07.2018, rreth orës 04:40, në fshatin Levan, Fier, shtetasi T.S., punonjës në një pikë karburanti ka njoftuar se 2 të rinj, e kanë kanosur dhe i kanë marrë xhiron e natës, rreth 30.000 lekë dhe më pas janë larguar në drejtim të Fierit me një mjet tip “Fiat”.
Shërbimet e Policisë kanë ngritur pika të shumta kontrolli. Grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorëve”, njofton policia.
