Policia e Korçës ka vënë në pranga shqiptarin e shpallur në kërkim ndërkombëtar nga drejtësia greke, pasi akuzohet për kryerjen e dy veprave penale “Prodhimi dhe shitja e narkotikëve” dhe “Kalimi i paligjshëm i kufijve”.
Në njoftimin për media bëhet e ditur se i arrestuari është Bernard Bylykbashi, 51 vjeç, banues në fshatin Lumalas, Korçë.
Bylykbashi është dënuar nga Gjykata e Rrethit Gjyqësor me pesë vjet burg dhe tashmë pritet ekstradimi i tij drejt shtetit fqinj.
Njoftimi i policisë:
Falë bashkëpunimit të Interpol Tirana, Strukturave të Hetimit të Krimit në DVP Korçë dhe Policisë Greke, u bë e mundur kapja e një personi të shpallur në kërkim ndërkombëtar në Greqi dhe ekstradimi i tij nëpërmjet Pikës Kufitare të Kapshticës.
Si rezult i bashkëpunimit të Interpol Tirana me Strukturat e Hetimit të Krimit në DVP Korçë dhe shkëmbimit të informacioneve me homologët grekë, u bë i mundur lokalizimi dhe kapja në Greqi e shtetasit Bernard Bylykbashi, 51 vjeç, banues në fshatin Lumalas, Korçë, si edhe ekstradimi i tij në drejtim të vendit tonë nëpërmjet Pikës së Kalimit Kufitar Kapshticë.
Gjykata e Rrethit Gjyqësor Korçë me vendimin nr. 190, datë 26.04.2012, e ka dënuar shtetasin e mësipërm me 5 vjet burg, për veprat penale “Prodhimi dhe shitja e narkotikëve” dhe “Kalimi i paligjshëm i kufijve”.