Operacioni forca e ligjit ka zbarkuar sot në Shkodër e Mirditë, ku u ka dorëzuar formularin për deklarimin e pasurisë tre personave.
Bëhet fjalë për Behar Bajri (Brajoviç) person në hetim për “Shtrëngimi me anë të kanosjes për dhënien e pasurisë”, dhe “Kryerja e veprave penale nga organizata krīminale apo grupi i strukturuar krīminal”; si dhe për dy të dënuar, Artan Prenga për “Shfrytëzimi i prōstitucionit në rrethana rënduese” kryer në bashkëpunim; dhe Arben Ghete për trafik drōge.
Njoftimi i plotë:
Në zbatim të detyrave të përcaktuara në Aktin Normativ të datës 31 janar 2020, vijon pa ndërprerë Operacioni Forca e Ligjit.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krīm të organizuar apo krīme të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
B. B., banues në Shkodër, nën hetim për veprat penale “Shtrëngimi me anë të kanosjes për dhënien e pasurisë”, kryer në bashkëpunim, në kuadër të grupit të strukturuar krīminal dhe “Kryerja e veprave penale nga organizata krīminale apo grupi i strukturuar krīminal”;
A. P., banues në Mirditë, i dënuar për veprën penale “Shfrytëzimi i prōstitucionit në rrethana rënduese” kryer në bashkëpunim;
A. G., i dënuar për veprën penale “Trafīkimi i narkotikëve”;
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krīmi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.