Familjarët e elektricistit 32-vjeçar Ylli Boba i cili humbi jetën gjatë ushtrimit të detyrës më 31 janar në fshatin Kovashicë të Shupenzës, nuk kane ende një përgjigje për shkakun e vdekjes së njeriut të tyre.
Familjaret mbeten në pritje të zbardhjes se aksidentit fatal dhe vënien para drejtësisë të përgjegjësve.
Të bindur se vdekja e të riut ka ndodhur për moszbatim të kritereve të punës familjarët thonë se mbeten të vendosur për të zbuluar ngjarjen e rëndë.
32-vjeçari Ylli Boba humbi jetën teksa punonte në një kabinë elektrike në fshatin Kovashicë të Shupenzës, me datë 31 Janar të këtij viti. Dyshohet se ai ra në kontakt me rrymën elektrike dhe vdekja ishte e menjëhershme.
