Gazeta Telegraf/ Efektivat e Drejtorisë
Rajonale për Kufirin dhe Migracionin Durrës, mbrëmjen e datës 08.10.2016,
kanë goditur një rast kontrabande me mallra të liçensuara.
Arrestohet në
flagrancë shtetasi:
• Arsim Gashi 43 vjeç, banues
në Norvegji, me shtetësi Norvegjeze dhe kombësi Shqiptare.
Gjithashtu filloi
procedimi penal në gjendje të lirë në ngarkim të bashkëshortes së tij,
shtetases:
• F.G. 38
vjeçe, banuese në Norvegji, me shtetësi Norvegjeze dhe kombësi Shqiptare.
Shtetasit e mësipërm
bashkëshortë me njëri -tjetrin, më datë 08.10.2016, rreth orës 21:
00 janë paraqitur pranë kabinave te kontrollit të Policisë Kufitare PKK Port
Durrës për t’u imbarkuar në tragetin e linjës Durrës- Bari, me mjetin tip
Ford me targa LS75558 me destinacion përfundimtar Norvegjinë.
Efektivat e Policisë,
bazuar në disa dyshime e kanë kaluar mjetin për kontroll më të
hollësishëm në Vijën e Dytë dhe pranë Skanerit S2 Albania.
Pas ekzaminimit u
konstatuan disa pjesë të dyshimta në makinë tek pjesa e parakolpit dhe
mbrapakolpit te saj.
Pas kontrollit të kryer
u vu re se në këto pjesë gjendeshin 3 komardare gome të izoluara me tel,
brenda të cilave u gjetën dhe u sekuestruan në cilësinë e provave materiale:
• një sasi e
konsiderueshme ilaçesh të llojit Apaurin Diazepam në total 3 030 tableta,
45.450 kokrra.
Materialet i kaluan
Prokurorisë së Rrethit Gjyqësor Durrës për veprime të mëtejshme për veprën
penale “Kontrabanda me mallra te
liçencuara” parashikuar në nenin 173 të Kodit Penal.