Aksion antidroge në Sardenja, arrestohen 40 persona, mes tyre shqiptarë

24
Sigal

40 persona janë arrestuar nga Karabinierët si pjesë e operacionit maxi antidrogë të quajtur “Familja dhe miqtë”, falë të cilit u çmontua një organizatë kriminale italo-shqiptare që vepronte në Sardenjë me degëzime edhe në Liguria, Toscana, Emilia Romagna, Marche dhe Abruzzo.

Dyert e burgut janë hapur për 22 persona, 18 janë në arrest shtëpie. Në krye të grupit kriminal ishte një burrë nga Quartu Sant’Elena (qyteti metropolit i Cagliarit) që menaxhonte marrëdhëniet me Spanjën për importin e hashashit dhe me Shqipërinë për inportin e kokainës. I njëjti person, sipas hetuesve, ka koordinuar dy grupe të tjera kriminale, një që vepronte në Quartu dhe merrej me trafik droge në zonën e Cagliarit dhe një në Sassari.

Gjatë hetimeve, të cilat kanë zgjatur disa muaj, janë sekuestruar sasi të mëdha hashashi, marijuane dhe kokaine.