30-vjeçari përplas të miturin në Këlcyrë dhe u “zhduk” nga vendi i ngjarjes, arrestohet nga policia

118
Sigal

Një aksident ka ndodhur në Këlcyrë ku një 30-vjeçar ka përplasur një të mitur dhe është larguar nga vendi i ngjarjes.

Disa orë pas aksidentit ai është arrestuar. Po ashtu është vënë në pranga edhe vëllai i tij dhe është proceduar e ëma, pasi kanë penguar dhe kundërshtuar punonjësit e Policisë gjatë kryerjes së detyrës.

Njoftimi i policisë:

DVP Gjirokastër

Aksidentoi me automjet një shtetas të mitur dhe u largua nga vendi i ngjarjes, vihet në pranga 30-vjeçari.

Shërbimet e Seksionit të Trafikut Interurban dhe Urban arrestuan në flagrancë shtetasin K. J., 30 vjeç, banues në Këlcyrë, pasi mbrëmjen e djeshme, në lagjen Gur, Këlcyrë, duke drejtuar automjetin tip “Opel”, aksidentoi një shtetas të mitur dhe u largua nga vendi i ngjarjes.

Menjëherë pas marrjes së njoftimit, shërbimet e Policisë janë vënë në ndjekje të drejtuesit të mjetit dhe pas pak orësh kanë bërë të mundur kapjen dhe arrestimin e tij.

Gjithashtu, nga Oficeri i Policisë Gjyqësore pranë Prokurorisë Përmet u arrestua në flagrancë shtetasi K. J. (vëllai i drejtuesit të mjetit), si dhe u procedua nëna e tyre, shtetasja A. J., për veprën penale “Kundërshtim i punonjësit të policisë së rendit publik”, pasi kanë penguar dhe kundërshtuar punonjësit e Policisë, gjatë kryerjes së detyrës.

Materialet në ngarkim të shtetasve të mësipërm i kaluan Prokurorisë pranë Gjykatës së Rrethit Gjyqësor Përmet, për veprime të mëtejshme.