Tingujt e “Rilindjes”,
bien me të qarë.
Nuk ka më rilindje,
por ka tokë të tharë.
Tingujt e “Rilindjes”,
bien me trishtim,
nuk ka më rilindje,
po ka tenderime.
Tingujt e “Rilindjes”,
s’i do as Allahu!
Nuk kemi ministra,
por kemi gurë shahu.
Tingujt e “Rilindjes”,
si uji nën krua.
Vidhni, thotë i madhi,
por pjesën e dua.
Tingujt e “Rilindjes”,
janë tinguj prej leshi:
Në klarinet Edi,
në kitarë Peleshi.
Tingujt e “Rilindjes”,
janë tinguj legeni…
Në organo Çuçi,
në daulle Beni.
Tingujt e “Rilindjes”,
janë tinguj epikë,
gishtat e Gjermenit,
mbi firzamonikë.
Tingujt e “Rilindjes”,
s’janë tinguj ndryshimi,
mbi piano Lindita,
dhe mbi trompë Mimi.
Tingujt e “Rilindjes”,
po na lënë pa frymë.
Curlës, Ben Ahmetaj,
i bije në një vrimë.
Tingujt e “Rilindjes”,
janë tinguj të trishtë.
Përmbi piano Klosi,
na i ngjethi mishtë.
Tingujt e “Rilindjes”,
bien pas mesnatës!
Vidhni more vidhni,
në çiflig të babës!
Tingujt e “Rilindjes”,
bien anembanë.
Baruti i Gërdecit,
ende erë mban.
Tingujt e “Rilindjes”,
në shi e në diell,
zbrit o Edi Rama,
se mbete në qiell.
Tingujt e “Rilindjes”,
bien tash tre vjet…
S’kemi kryetar,
po kemi një mbret.
Tingujt e “Rilindjes”,
bien që pa gdhirë.
Po mos qe Ben Blushi,
do ishim më mirë.
Tingujt e “Rilindjes”,
na pëlcitën venat.
Kur të mos jetë Edi,
Zahua të marrë frenat.
Tingujt e “Rilindjes”,
Nxjerrin zë të çjerrë,
PS -ja u bë,
kokoshi një thelë.
Tingujt e “Rilindjes”,
Zemra kurrë s’i rroku.
PS-ja e Edit,
më keq se Pasoku.
Tingujt e “Rilindjes”,
bien deri vonë,
që të jesh rilindas,
mjekra nuk mjafton.
Mjekra juaj është,
për të mbushur thesin,
po kur vijnë votimet,
në mjekër të dhjesin.
Tingujt e “Rilindjes”,
ngjethën gjithë dynjanë…
Varka e “Rilindjes”,
fut ujë nga çdo anë!
