Suzana Golemi është rektorja e re e universitetit “Luigj Gurakuqi” të Shkodrës.
Nga numërimi i votave të pedagogëve ajo ka dalë fituese me 2 vota diferencë.
Ndërkohë po numërohen votat e studentëve por në bazë të formulës, pritet që ato të mos ndikojnë në këtë rezultat.
Golemit ja dhanë fitoren bindëse dy fakultete, ai i shkencave të natyrës ku ishte vetë dekane dhe drejtësia, ku fitoren e ka patur më bindëse.
Përballë saj në këtë garë ishte Adem Bekteshi, rektori në detyre.
Suzana Golemi pas betimit tek presidenti do të jetë për 4 vitet e ardhshme rektore e universitetit të Shkodrës, ndër më të mëdhenjt në vend.
