Inter vërtetoi edhe një herë në ndeshjen që luajti mbrëmë atë që thuhet prej kohësh në media. Kur Icardi dhe Perisic janë në formë është e vështirë për t’i ndalur zikaltërit.
Në përballjen me Cagliari-n Interi mori një fitore të thellë 4-0 që e ngjit përkohësisht në vendin e 3 në “Seria A”. 1 prej golave e realizoi edhe ‘bomberi’ Mauro Icardi, i cili e çoi në 25 numrin e rrjetave këtë sezon, duke barazuar rekordin e tij në një kohë kur kanë mbetur edhe 5 ndeshje për t’u luajtur.
Dy futbollistët e fundit që kanë shënuar 25 gola në një sezon me fanellën e Interit janë as më pak e as më shumë se Zlatan Ibrahimovic dhe Ronaldo. Me shumë mundësi duke parë numrin e ndeshjeve të mbetura por edhe raportet e 25-vjeçarit me golin rekordet e ‘dy’ yjeve zikaltër do të rezaurohen nga Icardi.