Moldavi-Shqipëri 0-2 / Dyfishohen shifrat, pas Cikalleshit është Bare që gjen rrjetën

109

LIVE Moldavi-Shqipëri 0-2

22′ Çikalleshi, 34′ Bare

Moldavia: Koshelev, Reabciuk, Mudrak (30′ Rozgoniuk), Posmak, Graur, Ionita, Perpelita, Suvorov, Anton, Sidorenko, Cebotaru.
Trajner: S. Altman

Shqipëria: Strakosha, Dermaku, Gjimshiti, Ismajli, Veseli, Trashi, Bare, Abrashi, Gjasula, Manaj, Çikalleshi.
Trajner: E. Reja

KV: Mudrak

MINUTË PAS MINUTE

34’ GOOOL Shqipëria, shënon Bare. Moldavi-Shqipëri 0-2

31’ Provojnë vendasit të rrezikojnë me një goditje dënimi ballore, fatmirësisht sfera përplaset në murin mbrojtës që largon rrezikun nga katërkëndori i Strakoshës.

29’ Mudrak ndëshkohet me karton të verdhë pas një ndërhyrje ndaj Bares dhe kërkon menjëherë zëvendësim pasi është dëmtuar.

22’ GOOOL Shqipëria, shënon Çikalleshi. Një pasim në zonë nga e djathta largohet keq nga mbrojtja vendase dhe sulmuesi shqiptar përfiton duke çuar topin në rrjetë.
në portë.

13’ Tjetër pasim i gjatë për Çikalleshin i cili shmang daljen e portierit, por nuk arrin të kthejë pastaj sferën drejt rrjetës.

12’ Kuqezinjtë kërkojnë golin me harkime nga krahët, duke aktivizuar dyshen Veseli-Trashi që mundohen të gjejnë sidomos Çikalleshin për lojën në ajër.

9’ Trashi bën shpërthimin e parë në krahun e majtë, por harkimi i tij në zonë ndalohet nga një mbrojtës kundërshtar.

6’ Bare mundohet të nisë një aksion në krahun e djathtë, por vonohet në pasimin e tij për Çikalleshin. Vendasit nisin kundërsulm, megjithatë Gjimshiti është i vëmendshëm dhe nuk lë asnjë hapësirë për sulmuesit kundërshtarë.

1’ Top i gjatë në adresë të Çikalleshit i cili shfaqet para portierit vendas, por sinjalizohet në pozicion jashtë oje, vendim i dyshimtë i anësorit anglez.

1’ Fillon ndeshja në Kishinjev me shkelmimin e Rei Manajt.