5 formacionet alternativë të Real Madridit, Zidane bën ndryshime

435
Sigal

Pas humbjes turpëruese të Real Madridit nga Atletico, tifozët kanë nisur të kërkojnë ndryshime të menjëhershme në skuadrën e Zinedine Zidanes.

Duke marrë në konsideratë transferimet që janë bërë deri më tani dhe ato që pritet të ndodhin, e përditshmja spanjolle “Marca” kanë dhënë disa alternativa për formacionet e mundshme me të cilat mund të luajnë “Los Blancos” sezonin e ri.

Më poshtë janë 5 formacionet e mundshme të Real Madridit:

Ekipi i parë (4-2-3-1): Katër ndryshime në mesfushë

Casemiro dhe Paul Pogba konsiderohen si alternativat më të mira në qendër të mesfushës, ndërsa Eden Hazard duhet të shoqërohet nga James Rodriguez dhe Vinicius Junior prapa Karim Benzemas.

Image

 

Ekipi i dytë (4-2-3-1): Navas, James e Vinicius startues

Një formacion me Keylor Navas, James e Vinicius në skuadër, me një energji shtytëse në mesfushë nga Pogba dhe Casemiro.

Image

 

Ekipi i tretë (4-2-3-1): Pesë fytyra të reja

Real Madridi ka nevojë për një ndryshim radikal. Keylor Navas konsiderohet portieri më i mirë, ndërsa Marcelo duhet t’ia lirojë vendin Ferland Mendyt. Ndërkohë, Eder Militao është inkuadruar në vend të Raphael Varane. Mesfusha qendrore mbahet nga Casemiro dhe Pogba, të cilët bashkëpunojnë me Hazard, Vinicius e Rodrygo prapa Benzemas.

Image

 

Ekipi i katërt (4-4-2): Një formacion me Militao dhe Jovic

Ndryshimi është i nevojshëm në qendër të mbrojtjes, me Militaon që mund të frymojë lirshëm në krah të Sergio Ramosit. Ndërsa mungesën e golave mund ta kompensojë Luka Jovic duke iu bashkuar Benzemas në sulm, teksa në krahë të ndihmohen nga Vinicius dhe Hazard.

Image

 

Ekipi i pestë (4-2-3-1): Katër transferimet dhe Navasi në formacion

Real Madridi duhet ta konsiderojë seriozisht kthimin e Navasit si portier kryesor, ndërsa Militao dhe Mendy duhet të përfshihen në formacionin bazë në mbrojtje. Pogba është një shoqërues i mrekullueshëm i Luka Modricit në mesfushë, derisa James, Hazard dhe Vinicius janë opsionet më të mira prapa Benzemas.

Image