Sylvester Stallone nuk do të përballet me akuzën për përdhunim.
Ylli i ‘Rocky’ u akuzua për përdhunim nga një grua e paidentifikuar, e cila pretendon e ngjarja ndodhi në vitin 1990. Por dy dëshmitarë dolën kundër pretendimeve të saj, ndaj Zyra e Prokurorit të Rrethit të Los Anxhelosit vendosi që nuk ka dëshmi të mjaftueshme për të arrestuar aktorin.
Dhjetorin e kaluar, gruaja tha se Stallone e përdhunoi 28 vjet më parë. Por aktori i mohoi pretendimet.
Ajo paraqiti akuzën vitin e kaluar në policinë e Santa Monica dhe tha se ngjarja ndodhi gjatë një takimi në zyrën e yllit të Hollywood.
Prokurorët thanë se asnjë dëshmitar nuk ishte në gjendje të vërtetonte pretendimet e gruas ndaj tij.
Nga ana tjetër aktori paraqiti një ankesë kundër gruas për akuza të rreme.
Ai e pranoi se e njihte gruan dhe se kaluan së bashku tre ditë në Izrael gjatë xhirimeve në një film në vitin 1987, tre vjet para përdhunimit të supozuar.
Filmi që Stallone i referohej mendohet të jetë Rambo III që është filmuar pjesërisht në Jaffa, pranë Tel Avivit.
Ai e mohoi se e kishte përdhunuan, por nuk tregoi natyrën e marrëdhënieve të tyre.
