A është Amber Heard në listën e zezë të Hollywood-it? Përgjigjet ish-agjenti i saj

69
Sigal

Pas gjyqit mediatik mes Amber Heard dhe Johnny Depp, u shfaqën komente të shumta në mediat sociale për aktoren. Në shumicën prej tyre thuhet se Amber Heard është futur në listën e zezë të disa producentëve në Hollywood.

Thashethemet thonë se Heard nuk do të marrë pjesë në projekte të ndryshme filmike.

Ish-agjenti i Amber Heard, Jeffrey Nightbyrd, siguroi se aktorja do të fillojë të prodhojë filma sepse askush në industri nuk do ta pranojë atë si aktore.

“Askush nuk do ta marrë atë në punë si aktore, kështu që asaj do i duhet të prodhojë filmat e saj,” tha Jeffrey Nightbyrd.

“Unë vë bast se një ditë Amber do të prodhojë dhe drejtojë një film me një koncept origjinal.”

Jeffrey Nightbyrd filloi të punonte me Amber Heard kur aktorja ishte vetëm 17 vjeç.

Nightbyrd dhe Heard ndërprenë lidhjen e tyre profesionale përpara se ajo të merrte pjesë në Aquaman, në vitin 2018.

Nightbyrd shtoi se Amber Heard do të rivijë me një pozicion të ri që do të sfidojë të menduarit konvencional, duke krahasuar të ardhmen me projektet e Johnny Depp.

“Johnny Depp ka punuar në projekte domethënëse për një vit e gjysmë,” tha Nightbyrd.

“Amber u kap tek ideja se paratë ishin qëllimi i vetëm. Ajo duhet të mësojë nga ata njerëz.”

“Në këtë epokë, kur rolet e shumicës së grave janë aventura, aksion ose si libra komik, Amber do t’i befasojë të gjithë duke dalë jashtë sistemit dhe duke përqafuar një rol që sfidon të menduarit konvencional” përfundoi ai.