VIDEO/ Ja çfarë po ndodh tani poshtë zyrave të Edi Ramës…

232
Disa qindra qytetarë po protestojnë para zyrës së Kryeministrit Edi Rama në bulevardin ‘Dëshmorët e Kombit’. Shoqëria civile po proteston kundër arrestimeve të kryera nga policia pas protestës së 31 marsit në Kalimash ku qytetarët e Kukësit kundërshtuan vendosjen e tarifës në rrugën e Kombit.
Kjo është një protestë kundër arrogancës, kundër dhunës, kundër kërbaçit të atyre që sa janë në opozitë i puthin dorën popullit, ndërsa kur vijnë në pushtet i marrin edhe bukën e gojës së fëmijëve, u shprehën organizatorët e protestës.
“Më arrestoni edhe mua sot”, ishin pankartat që mbaheshin në duar nga protestuesit, duke u solidarizuar kështu me qytetarët kuksianë të arrestuar vetëm pse protestuan kundër vendosjes së tarifës dhe taksave në rrugën e Kombit.