Shpesh nga puna e tepërt, nuk gjeni dot kohën e duhur për të konsumuar ushqim, prandaj zhvillimet e fundit kanë gjetur një zgjidhje praktike duke vendosur ushqim brenda orës. “Takii Seeds” është një kompani japoneze që ka krijuar një orë dore me ushqim brenda, në mënyrë që të hash kur je i uritur dhe duke nxituar për në punë. Për ta bërë këtë orë janë dashur një mjeshtër punimi orësh, një kirurg plastik për të prerë ushqimin në copa shumë të vogla, një ekspert mobilimi për të vendosur brenda orës vaktin dhe një shef kuzhine për të gatuar ushqimin. Ushqimi, duke qenë shumë i vogël, ka nevojë për dy shkopinj të vegjël për t’u kapur. Ku gjenden këta shkopinj? Anës orës.
