Sony Music tronditi jo pak fansat kur njoftoi sot me
anë të një postimi në Twitter se Britney Spears kishte vdekur. Megjithatë
gjithë gjasat janë që llogaria e kompanisë muzikore të jetë vjedhur nga
hakerat.
Kjo pasi mesazhi i postuar nuk duket aspak formal
dhe është shkruar keq.
Në të thuhet: “Britney Speas ka vdekur
aksidentalisht. Do t’ju tregojmë më shumë, shumë shpejt, #RIPBritney”.
Ndërsa në një tjetër postim shkruhej: “RIP
@britneyspears #RIPBritney 1981 – 2016”.
Nga ana tjetër, një burim pranë këngëtare konfirmoi
për CNN se ajo ishte “shëndoshë e mirë”.
Ndërsa vetë Sony Music nuk ka bërë ende asnjë koment
mbi këtë postim në Twitter, që vjen vetëm pak orë pasi bota e muzikës humbi një
artist të madh si George Michael.
