Një aksident me pasojë vdekjen nga ndodhur sot në Sarandë, ku një person ka humbur jetën dhe u plagosën dy të tjerë.
Ngjarja ndodhi rreth orës 09:20, në afërsi të liqenit në fshatin Mursi. Burime zyrtare nga policia bënë me dije se automjeti “Benz-2500” me drejtues shtetasin O.M, 21 vjeç, ka dalë nga rruga dhe ka goditur 3 këmbësorë.
Si pasojë e goditjes, shtetësja Leonarda Boro, 35 vjeçe ka ndërruar jetë në vend ndërsa dy shtetasit e tjerë S.S., 33 vjeç dhe G.S., 38 vjeç, kanë mbetur të dëmtuar. Grupi hetimor ndodhet në vendin e ngjarjes duke kryer hetimet në lidhje me përcaktimin e shkakut dhe të sqarimit të rrethanave.
