Një avion i kompanisë Mistral Air që udhëtonte nga qyteti i Ankonës në Itali drejt Tiranës ka pësuar difekt menjëherë pas nisjes së tij duke shkaktuar frikë e panik tek pasagjerët.
Rreth orës 11:00 të paradites së sotme avioni i sapo nisur nga aeroporti Falkonara i Ankonës me 66 pasagjerë ka pësuar një defekt, për shkak të një qarku të shkurtër elektrik i cili ka lëshuar tym në kabinën e pilotimit.
Avioni në atë momente po fluturonte mbi territorin e Porto Sant’ Elpidio e piloti është rikthyer duke bërë një ulje të detyruar në aeroportin e Falkonarës.
Menjëherë kanë ndërhyrë forcat e zjarrëfikëses së aeroportit që kanë shuar vatrën e tymit.
Mjaft e kuptueshme frika e paniku tek udhëtarët e personeli i avionit të cilët janë në gjëndje mjaft të mirë shëndetësore e në pritje që gjatë ditës kompania Mistral Air t’i komunikoj një fluturim tjetër drejt Tiranës.
