Për zgjedhjet në të shkuarën, kush s’u kujtua?..
Dhe poeti shkroi, siç shkruante veç ai:
«Do bëhen zgjedhjet, po unë ç’i dua»,
Kur vetëm për popullin s’voton njeri.
Do bëhen zgjedhjet për Kryebashkiak,
Me këngë, flamuj e me bori,
Parat për zgjedhjet, si ujtë në det,
Dhe populli gëzohet në varfëri…
«Do bëhen zgjedhjet, po unë ç’i dua»,
Kur nuk e di votën se ku shkon,
“Gëzohu o popull!”, më thonë mua,
Për mbretin që zbret e hipën në fron…
“Gëzohu o popull!”, për “Kryebashkiakët”,
Po i dituri pse e ka thënë me shpoti :
“E keqja e Shqipërisë janë shqiptarët”
Që kurrë s’mendojnë për Shqipëri…?
Po vijnë zgjedhjet, mirë se të vijnë,
Po britma të mos ketë e as armiqësi,
Të zgjedhurit e popullit vallë e dinë,
Që populli u jep dhe u merr çdo fuqi?…
* Varg nga poema “Epopeja e Balli Kombëtar”…