Pas konfirmit se avioni rus u rrëzua si pasojë e një shpërthimi, Moska po përgatitet që të dërgojë plot 150.000 trupa ushtarake në Siri për të luftuar Shtetin Islamik. Operacioni me përmasa gjigande do të ketë si qëllim marrjen nën kontrrol të qytetit të Raqqa-s, në të cilin ndodhen aktualisht 5.000 xhihadistë. Në këtë mision do të mobilizohen 150.000 rezervistët që u rekrutuan në ushtri gajtë muajit shtator.
Putin ka kërkuar edhe mbështetjen e perëndimorëve në luftën kundër terrorizmit, teksa ka premtuar një shpërblim prej 50 milionë eurosh për cilindo që të do të paraqesë informacione të vlefshme mbi rrezimin e avionit rus, ku humbën jetën mbi 230 persona. Deri më tani, janë arrestuar 17 persona të cilët dyshohet se kanë lidhje me tragjedinë e disa javëve më parë. Më herët, zyrtarët e shërbimeve të sigurisë, njoftuan se janë shumë pranë identifikimit të autorëve.
