Vritet një tjetër shqiptar nga Maqedonia në Siri. Mësohet se 24-vjeçari me inicialet B.Sh, nga Saraji i Shkupit, kishte shkuar një vit më parë për të qenë pjesë e luftës civile në Siri. Autoritetet shtetërore të Maqedonisë, por edhe Presidenti Ivanov kanë njoftuar se në luftërat në Siri dhe vendet tjera të botës gjenden mbi 60 qytetarë të Maqedonisë. Ndërkohë, muaj më parë u zhvillua aksioni ‘Celula’ ku shtatë shqiptarë të Maqedonisë u akuzuan për pjesëmarrje në luftërat në Siri ose kanë ndihmuar për rekrutim.
