Meta: Misioni i mësimdhënies, i edukimit e formimit universitar-shkencor të të rinjve është sa fisnik, aq edhe i rëndësishëm

237

 

Kryetari i Kuvendit, z. Ilir Meta, mesazh urimi për
Universitetin “Fan S. Noli” të Korçës me rastin e 45-vjetorit të themelimit

 


kuadër të 45-vjetorit të themelimit të Universitetit “Fan S. Noli” në qytetin e
Korçës, Kryetari i Kuvendit, z. Ilir Meta i ka dërguar një letër urimi rektorit
të këtij universitetit, z. Ali Jashari.


urimin e tij, Kryetari i Kuvendit shpreh vlerësimet e tij për këtë institucion
arsimor, i cili është një nga më të rëndësishmit në formimin e brezave të rinj.

“Më
lejoni që me rastin e festimit të 45-vjetorit të themelimit të Universitetit ‘Fan
S. Noli’ të qytetit të Korçës, t’ju përshëndes dhe t’ju uroj suksese të
mëtejshme në misionin tuaj fisnik, ditët, muajt dhe vitet në vazhdim. Misioni i
mësimdhënies, i edukimit dhe formimit universitar e shkencor të të rinjve është
sa fisnik aq edhe i rëndësishëm. Universiteti ‘Fan S. Noli’ i qytetit të Korçës
i dekoruar me titullin e lartë ‘Nderi i Kombit’, e përmbush gjerësisht këtë
rol, meriton emrin e shqiptarit të madh që mban, duke u kthyer në një
institucion serioz të Arsimi të Lartë në Shqipëri dhe në qendër të përkushtuar
të kërkimit shkencor”, – shprehet z. Meta.


vijim të mesazhit të tij në këtë përvjetor të themelimit, z. Meta theksoi se
“45 vjet nuk janë shumë për moshën e një Universiteti në ShBA, Britani, Francë,
Gjermani, por janë mjaftueshmërisht të rëndësishme dhe jashtëzakonisht të
vlefshme në Shqipëri, për rolin dhe kontributin që Universiteti juaj ka dhënë e
vazhdon të japë, jo vetëm për qytetin e Korçës, por edhe për gjithë Shqipërinë”.

Kryetari
i Kuvendit shtoi se këto vite janë vijimësi e traditës arsimdhënëse të qytetit
të Korçës. “Në mozaikun e larmishëm kulturor dhe arsimor të qytetit të Korçës,
roli i Universiteti ‘Fan S. Noli’ duket se është një vazhdimësi e logjikshme e ‘Mësonjëtores
së Parë të Shqipes’, ‘Liceut Francez’, shkollës pedagogjike ‘Petro Nini Luarasi’.
Vatra të vërteta arsimdashëse, në të cilat dhanë mësim ose studiuan figura të
spikatura intelektuale të mësimdhënies dhe personalitete të shkencës, kulturës,
artit, me të cilat krenohet jo vetëm Korça, por e gjithë Shqipëria”,- thekson
z. Meta.

Gjithashtu,
Kryetari i Kuvendit nënvizon se universitetet japin një rol të rëndësishëm në
formimin dhe krijimin e brezave, që i bëjnë ballë ndryshimeve politike dhe
ekonomike.

“Çastet
e kremtimit janë logjikshëm të mbushura me emocione dhe gëzim; edhe me krenari
për sa është arritur, por edhe me përgjegjësi më të madhe për të përcjellë ndër
vite përvojën e çmuar të brezave e për të përmirësuar cilësinë shkencore
didaktike të mësimdhënies dhe thithjen e kapaciteteve intelektuale përball
sfidave të sotme dhe ato të nesërmes. Shqipëria dhe shoqëria shqiptare
përballen sot, pas përmbysjeve politike, ekonomike, sociale të viteve 1990, me
sfidën e madhe të ndërtimit të një shoqërie të shëndetshme, të një ekonomie të
shëndoshë e funksionale dhe të një të ardhme të sigurt për qytetarët e saj”, –
tha z. Meta duke shtuar se: “Institucionet arsimore, veçanërisht ato të arsimit
të lartë, kanë një rol parësor në këtë përballje dhe përgatitja me nivelin e
duhur të njohurive shkencore dhe didaktike të të rinjve mbetet një detyrim
parësor që e kërkon shoqëria sot dhe e ardhmja e saj nesër. Në sfidën e
vështirë të kërkesë-ofertës të një shoqërie në zhvillim, në përballjen e dijes
me ekonominë e tregut dhe me nevojat në fushën e politikë, të ekonomisë, të
sigurisë, të bujqësisë, të shëndetit, të mirëqenies sociale, të shkencës, artit
dhe kulturës në Shqipëri, misioni i Universitetit ‘Fan S. Noli’ të qytetit të
Korçës dhe i të gjitha universiteteve shqiptare është i rëndësishëm dhe i
pazëvendësueshëm”.

Z.
Meta bën me dije se Kuvendi i Shqipërisë ka ndërmarrë nisma për forcimin e
lidhjeve dhe bashkëpunimit me institucionet më të rëndësishëm të arsimit të
lartë në Shqipëri, me qëllim, jo vetëm rritjen e transparencës parlamentare,
por edhe shfrytëzimin e kapaciteteve të tyre intelektuale dhe shkencore në
proceset ligjore dhe politike të Kuvendit të Shqipërisë.

“Unë
do të jem shumë i lumtur që kjo nismë të kurorëzohet me nënshkrimin e
memorandumit të bashkëpunimit edhe me Universitetin ‘Fan S. Noli’ të Korçës. Në
këtë ditë të shënuar për Universitetin tuaj dhe për qytetin e Korçës më lejoni
t’ju urojë edhe një herë vazhdimësi të suksesshme në misionin tuaj të vështirë,
por jo të pamundur, atë të edukimit, arsimimit dhe përgatitjes të brezave të
rinj, të aftë dhe të gatshëm për t’i shërbyer me përkushtim zhvillimit të
ekonomisë dhe emancipimit të shoqërisë sonë në proceset e pakthyeshëm të
integrimit të Shqipërisë në Bashkimin Evropian”, – thekson z. Meta ndër të
tjera në mesazhin e tij të urimit.