Është shtyrë për të shtunën seanca e masës së sigurisë për policing që akuzohet se ushtroi presion ndaj të plagosurit të aksidentit në Lungomare.
Komisar Myslym Ismailaj, shef i hetimit për aksidentet në policinë e Vlorës u arrestua dy ditë më parë me dyshimet se po favorizonte firmën e ndërtimit.
Sipas policisë, Ismailaj ka ushtruar presion ndaj 21-vjeçarit Petraq Beja që të pranonte se kishte problem me shikimin.
Aksidenti i rëndë u regjistrua mbrëmjen e 26 nëntorit 2016, në të cilin humbi jetën 17 -vjeçari Kristo Panajoti.
Gjykata vendosi “arrest në shtëpi” për 25 vjeçarin Tomor Cena, me detyrë inxhinier zbatues i projektit dhe “arrest me burg” për 61 vjeçarin Ilirian Tahmazi, me detyrë përgjegjës i sigurimit teknik.
Ndaj tyre rëndon akuza “shkelje e rregullave të mbrojtjes në punë”.