Portokalli
Portokalli me vesë vishet çdo mëngjes,
Mbi të dielli derdh ngjyra ari,
E përkund lehtë një puhizë
Si një fije bari.
Kokrrat të pjekura varen nga pesha.
Kur nis garbiu
Kokrrat shkunden:
Ndër to nuk vëren më vesë…
Lëbyrje
Mos më vështro si të isha yll;
Edhe këtë nuk ma thua.
Yjet
Lart rrinë:
I vështrojmë,
Kënaqemi me ta,
Dhe harrojmë që larg nesh qëndrojnë.
Të pyes:
Vallë e di ti që dhe yjet mbyten në cektinë?…
Nepotisti
Dje më shkoi anash
Mugur krejt në fytyrë.
Sot
Sa mësove për emërimin tim lart
Rrugën ndërrove.
Enë eci,
Kurse ti si miop
Pranë nxiton të më gjendesh…