RRUGA E GJATË
Mos më ik dashuri.
Ndalu!
Përse i trembesh brymës,
Që ka rënë mbi flokët e mi?
S’ma ka cikur fare zemrën.
Rri me mua.
Mos më ik dashuri.
Kemi ende rrugë të gjatë
Për të bërë bashkë.
JETESË
Kohën
Gjithmonë dua t’a ndal.
Me thonj e duar
T’a mbaj, t’a mbërthej në vend.
Dhe më pas
Të futem
Të depërtoj thellë, thellë
Në brendësi të saj.
Në cdo hap që hedh
Them se vetëm një jetë
Nuk më mjafton
Për ta jetuar atë intensivisht.