Jam aty…
Dhe pse ika me pahir
për një jetë më të mirë,
jam aty në çdo moment
rreth me burrat në Kuvend.
Jam aty tek burimi,
kthehem prapë me lotë gëzimi.
Jam aty te dërrasa e djepit!
Jam aty te rrënja e plepit!
Kam me vete një grusht dhe’
me tregue se ku kam le.
Sa të jem gjallë e të jetoj,
me gjë në botë nuk e ndërroj.
Më të madhe s’ka shenjtëri
se t’mbash dheun tënd në gji.
Sa herë që të preket dheu
e merr forcën si ANTEU…..
L.Ndreu 20.07.2014
E dija
Se do fshihej pluhuri i harresës,
se do dilte filli i kujtesës,
si rreze drite në agim,
do shfaqej imazhi im.
Telepatia bën mrekullinë;
bashkon zemra, lidh miqësinë…
Jo çdo ëndërr është utopi
por jep shpresë për lumturi….
Ja ku jemi ballpërballë.
Nuk është ëndërr, as përrallë.
Del në dritë një e vërtetë,
janë zemrat që flasin vetë.
Çdo gjë është e dlirë,
nuk ka si bëhet më mirë.
Rubinin e çmuar kemi n’dorë,
Mbi kokë e kemi si kurorë…..
L.Ndreu dhjetor 2014