Backë o lule e Skraparit;
fshat i bukur rrëzë malit,
që ke patur burra trima
në luftë si vetëtima!
Vendi i burrave të rrallë
sot dhe kohë më parë.
Trimërinë e ke treguar
e vërtetë, por s’është shkruar.
Backallinjtë burra tabani,
veshje kombëtare mbanin
me shirita xhamadanin,
me triqe dhe mëngore
Punuar me punë dore.
Këpucët me xhufka veshur,
pushkën në krahë hedhur.
Gjerdanë me fishekë ngjeshur
jo të vrenjtur, por të qeshur.
Backa katër qind shtëpi ishte;
katër qindë pushkë kishte.
Backalliu shiste shtëpinë
për të blerë një martinë.
Në beteja që luftuan
grekët i turpëruan.
Lajmi jehoi deri në Athinë
ku një fshat e mposhti ushtrinë.
