Qielli kullon shira
Deti ngre furtunë.
Të vij unë tek ti
Apo ti tek unë ?
Heshtin celularët
Zilet janë shurdhuar
Ç’na mori më.qafë
Ky mot i mallkuar
Gjer para një ore
S’shihje këmbë resh
Duket që dhe koha
Qenka kundër nesh
Asnjë zë nga lindja
Dhe nga perëndimi
Por kjo sdo të thotë
Se u dogj takimi
Si bëj dot ballë mallit
Qe po më zhurit
Ti ma njeh mirë kokën
Ndaj mos u habit
Deti ngre furtunë
Qielli kullon shi
Në s’vjen ti tek unë
Do vi unë tek ty.
