Paret nuk i ha as qeni, bari do na mbijë tek varri
Këtë mesazh përcjell Zilfo Muço në poezinë e tij
Ky tërmet, tronditi botën,
Ku je “fshehur” deputet?
Për ata që të dhanë votën
Jepu vilën në bregdet!
Në ke besë, a perëndi
Në vilë, shkon veç në pranverë
Kur derdh lotët, një fëmijë
Dhe paraja, nuk ka vlerë.
Nga milionat, që ke hedhur,
Nxirr nga xhepat, ca qindarka.
Kujto lotët, që ke derdhur
Për një votë, nëpër fushata…
Detit vala i rënkon, Fjalët
nuk dalin nga goja,
Nga dhimbja qeni loton
Kërkon, njerëzit në rrënoja.
Fjalët e një biznesmeni,
Një fisnik, me gjak shqiptari
Paratë, nuk i “ha” as qeni
Bari, do na mbijë te varri.
Kudo qofsh, o deputet,
Dhuro pak në ditë të zeza,
Emri tënd, në parlament,
Të kujtohet, nëpër breza.