Partizani ka marr një fitore të rëndësishme në transfertë. “Të kuqtë” mundën me rezultatin 2-1 Kukësin, në ndeshjen e vlefshme për javën e 32-të në Kategorinë Superiore.
Kjo ndeshje vendosi shumë përsa i përket garës për Europën, pasi kryeqytetasit u shkëputën me tri pikë nga verilindorët, me të cilët deri një javë më parë ishin me pikë të barabarta.
Dy golat copy-paste për Partizanin u shënuan nga Stenio Zhunior në minutat 26-të dhe 40-të, ndërsa golin e nderit për Kukësin e realizoi Milunovic në minutën e 52-të.
