United arrin akordin me Juven, Mandzukic në janar transferohet në Premier League

457
Sigal

Juventusi dhe Manchester United janë shumë pranë marrëveshjes për transferimit të Mario Mandzukicit në “Old Trafford” në merkaton e janarit. Kjo është ajo që shkruajnë mediet angleze, sipas të cilave kroati mund të kalojë në Angli që në muajin dhjetor për t’u përshtatur me ambientin e klubit nga Manchesteri.

Mandzukic ka përfunduar tërësisht jashtë planeve të Sarrit, pasi kroati nuk u përfshi as në listën e lojtarëve të cilët kanë të drejtë të luajnë në Champions League.

Transferimi i kroatit në Premier League pritet të kryhet mbi bazën e 11.5 milionë eurove, që do të shkojnë në arkat e bardhezinjve. Deri më tani ai nuk ka luajtur asnjë minutë në ndeshjet zyrtare dhe me shumë mundësi mund të mos zbresë më në fushë me fanellën bardhezi.