SPECIALE SUPERIORE/ Të dielën sfida e 172-të e kryeqytetit, flet ish-protagonistët, Bedri Omuri si ish-bardheblu: “Derbi” Tirana-Partizani, kryefjalë duket historia
Agron Kaja
Nuk besoj se ndeshjet “derbi” ndikohen nga bilanci historik. Mendoj se në ndeshje të tilla fiton fusha, ndaj edhe Tirana-Partizani do flasë në fushë.
Si i përshkruani 14 javët e luajtura në Abissnet Superiore 2023-2024?
Me sa shoh, në shumicën e ndeshjeve të gjitha klubet kanë pasur oshilacione. Në përgjithësi, ekipet lanë pikë me të dobëtat e fituan me të fortat. Ndërsa tek Tirana mund të ketë ndikuar edhe ndërrimi i trajnerit.
Kryesojnë Egnatia dhe Partizani, këtë fundvit, cilën nga këto skuadra e mendoni në kreun e renditjes?
Gjithçka do varet nga rezultati i derbit Tirana-Partizani. Nëse fiton Partizani, besoj se do jetë ai në krye në fundvit, bashkë me Egnatian. Kampionati është i gjatë, por skuadrat më shumë fokusohen të jenë në grupin e “Final 4”.
Java e 15-të, veç ndeshjeve të tjera veçohet për “derbin” Tirana-Partizani, ju e mendoni me “aromë” bardheblu?
Nuk e shoh shumë një “derbi” me aromë bardheblu. Unë do uroja ta fitojë Tirana, por duke qënë se Partizani është më mirë, në këtë sfidë ai është favorit. Por derbi është derbi dhe asnjëherë nuk parashikohet saktë.
Pse këtë “derbi” të 172-të duhet që ta fitojë Tirana?
Tirana ka ndryshime nga java në javë, dhe vrrullin nuk e ka të keq. Edhe ndryshimi i trajnerit ka bërë punën e vet, por mendoj se Tirana do të kërkojë maksimumin në këtë përballje.
Ku mendoni se Tirana duhet të përqëndrohet më shumë në këtë sfidë?
Them se Tirana mesfushën dhe sulmin i ka mirë, por në mbrojtje po pësojnë gola shumë të evitueshëm. Në mbrojtje dhe në portë duhet pasur parasysh më shumë kujdes në këtë “derbi”.
Mendoni se do të ndikojë bilanci historik që kanë Tirana e Partizani mes tyre?
Nuk besoj se ndeshjet “derbi” ndikohen nga bilanci historik. Mendoj se në ndeshje të tilla fiton fusha, ndaj edhe Tirana-Partizani do flasë në fushë.
Cilën nga këto dy skuadra e mendoni në katër vendet e para të “Final 4”, apo të dyja?
Patjetër që po. Të dyja këto skuadra do jenë në “Final 4”, dhe këtu mendoj se mund të zgjidhet gjithçka mes tyre dhe skuadrave të tjera. Ato ndeshje do të luhen në Tiranë, dhe dihet që në futboll ndodh gjithçka.
NDESHJA E PARË
Takimi i parë mes Tiranës dhe Partizanit është luajtur më 30 mars 1947. “Demat e kuq” fituan 4-2, ndërsa në ndeshjen e dytë, Partizani fitoi 8-0.
Bedri Omuri ka luajtur 12 sezone si mesfushor në përbërje të Tiranës. Në të gjitha këto vite ka qënë titullar kundër Partizanit, por nuk i ka shënuar asnjë gol
BILANCI TOTAL
Ndeshje në total 171
Fitore Tirana 47
Barazime 53
Fitore Partizani 71
Golavarazhi 185:231
ABISSNET SUPERIORE
NDESHJET, JAVA 14
E shtunë, 2 dhjetor 2023
Egnatia-Vllaznia 13:30
Skënderbeu-Erzeni 17:00
E dielë, 3 dhjetor 2023
Kukësi-Teuta 13:30
Dinamo City-Laçi 16:00
Tirana-Partizani 19:00
RENDITJA
Skuadrat Nd Pikë
1.Egnatia 14 30
2.Partizani (-1) 13 28
3.Tirana 14 21
4.Skënderbeu 14 18
5.Vllaznia 14 17
6.Dinamo City 14 16
7.Erzeni 14 16
8.Laçi 14 16
9.Kukësi 14 15
10.Teuta (-1) 13 12
Tirana kampione
Skuadra e Tiranës koleksionon në historinë e saj 26 tituj kampionë. Të parin në vitin 1930, dhe të fundit në sezonin 2021-2022
Trajneri
Skuadra e Tiranës vjen në këtë “derbi” me Partizanin duke patur në bankinë Julian Ahmatajn, i cili i drejton bardheblutë që nga java e 8-të, pasi u largua Orges Shehi.
