Skënderbeu rrezikon Sëlltikun në Ligën e Kampionëve. Skocezët mundën Barcelonën sezonin e kaluar
Skënderbeu, Kukësi, Teuta dhe Laçi kanë nisur përgatitjet për të përballuar dy kompeticionet europiane, Ligën e Kampioneve dhe Ligën e Europës. Shorti do të hidhet, më 24 qershor, ndërkohë që ekipet që do të marrin pjesë në Ligën e Europës, do t’i zhvillojnë ndeshjen e parë më datë 4 korrik, ndërsa ajo e kthimit do të jetë një javë më pas. Skënderbeu, që merr pjesë në Ligën e Kampioneve do të luajë më më 16 ose 17 korrik, ndërkohë që dueli i kthimit do luhet më 23 ose 24 korrik. Skënderbeu do të zhvillojë për disa ditë stërvitjet në Durrës, ndërsa më pas do të zhvendoset në Austri, ndërkohë që Kukësi, pas përgatitjeve në Tiranë do t’i vijojë ato në Ohër të Maqedonisë. Korçarët kanë shumë pak mundësi zgjedhjeje sa u përket preferencave. Lista e 16 ekipeve, që do të jenë në vazon e parë dhe që njëri prej tyre do përzgjidhet për t’u përballur me kampionët e Shqipërisë, përbëhet nga skuadra me traditë në Ligës së Kampioneve, boll të kujtojmë se në vazon e “seeding teams” (pra ekipeve të forta me koeficient të lartë) ndodhet Sëlltiku i Gllazgout, me skocezët që mposhtën Barcelonën sezonin e kaluar. Sëlltiku është 44 herë kampion i Skocisë, kundrejt 4 herëve të Skënderbeut në Shqipëri. Gjithsesi, Sëlltiku ofron një mundësi të mirë nga pikëpamja financiare, pasi korçarët do të përfitonin jo pak nga shitja e të drejtës televizive nga ndeshja me gjigantin skocez fitues të Kupës së Kampioneve në vitin 1967. Bjellorusët e BATE Borisov janë kundërshtari me koeficientin më të lartë, i ndikuar edhe nga paraqitja mbresëlënëse në Europë edicionin e kaluar. Nëse vijnë klube si Sëlltiku, Dinamo e Zagrebit apo kushdo tjetër që ka një popullaritet të lartë, atëherë rivali i tij do përfitonte një shifër të majme për transmetimin e ndeshjes në Shqipëri, ku të gjitha do të shkonin në arkën e klubit. Kujtojmë se prej skuadrave shqiptare që kanë përfituar shifra të majme nga e drejta televizive janë Vllaznia kundër italianëve të Napolit, por edhe Besa kundër grekëve të Olimpiakosit. Ekipe të tjera që mund të bien në short janë Steaua Bukuresht (Rumani), Viktoria Plzen (Çeki), Dinamo Zagreb (Kroaci), Partizan Beograd (Serbi), Legia Varshavë (Poloni). Ndërkohë, mes ekipeve që renditen të fundit në 16-shen e vazos së parë, bien në sy emra si HJK Helsinki i Finlandës, Ekranas i Lituanisë dhe Dinamo Tbilisi e Gjeorgjisë. Nëse arrin të kalojë një raund të Ligës së Kampioneve, Skënderbeu ka mundësinë të ketë një aventurë të gjatë në Europë. Rregullorja e re e UEFA-s u jep mundësinë skuadrave që, nëse shkojnë deri në raundin e tretë kualifikues (korçarët e nisin nga raundi i dytë) dhe eliminohen, atëherë ata do të marrin pjesë në fazën “play-off” të Ligës së Europës. Ky modul nuk është praktikuar asnjëherë më parë dhe ka si synim të simulojë klubet si financiarisht, ashtu edhe për eksperiencën që përfitohet nga pjesëmarrja në kompeticione ndërkombëtare.
LIGA E KAMPIONEVE
Kundërshtarët e mundshëm
BATE Borisov Bjellorusi 39.175
Sëlltik Skoci 37.538
Steaua Bukuresht Rumani 35.604
Viktoria Plzen Çeki 28.745
Dinamo Zagreb Kroaci 25.916
Partizan Beograd Serbi 17.425
Legia Varshavë Poloni 13.650
Sherif Tiraspol Moldavi 11.533
NK Maribor Slloveni 9.941
Slovan Bratislava Sllovaki 8.341
IF Elfsborg Suedi 8.125
Maccabi Tel-Aviv Izrael 8.075
Molde FK Norvegji 7.835
HJK Helsinki Finlandë 6.701
Ekranas Lituani 6.300
Neftchi Baku Azerbajxhan 5.708
Dinamo Tbilisi Gjeorgji 5.333
Ekipi shqiptar (vazo e të dobëtave)
Skënderbeu Shqipëri 2.833
(Ekipi i tetë më i fortë nga 18 ekipe)
LIGA E EUROPËS
Rivalët e mundshëm
Rosenborg BK Norvegji 16.835
MSK Zilina Sllovaki 15.841
Levski Sofia Bullgari 11.950
CSKA Sofia Bullgari 8.450
Videoton Fehervar Hungari 7.850
FK Ventspils Letoni 6.658
Tromsø IL Norvegji 6.335
Aktobe Kazakistan 6.191
Dinamo Minsk Bjellorusi 6.175
St. Patrick’s Irlandë 5.975
Garabag Azerbajxhan 5.708
Vojvodina Novi Sad Serbi 5.425
Malmo FF Suedi 5.125
FK Sarajevo Bosnjë 5.066
Astra Giurgiu Rumani 4.604
KR Reykjavik Islandë 4.583
Dudelange Luksemburg 4.425
Inter Turku Finlandë 4.201
Dacia Chisinau Moldavi 4.033
Levadia Tallinn Estoni 3.941
Linfield Belfast Irl.Veriut 3.866
Honved Budapest Hungari 3.850
Valletta FC Maltë 3.791
Differdange 03 Luksemburg 3.675
Metalurgs Liepaja Letoni 3.658
Gefle IF Suedi 3.625
Pyunik Yerevan Armeni 3.600
Zrinjski Mostar Bosnjë 3.566
Inter Baku Azerbajxhan 3.458
Skonto Riga Letoni 3.408
Suduva Marijampole Lituani 3.300
FC Vaduz Liehtenshtejn 3.200
Flora Tallinn Estoni 3.191
Khazar Azerbajxhan 2.958
HB Torshavn Ish.Faroe 2.816
Rudar Pljevlja Mali i Zi 2.800
TPS Turku Finlandë 2.701
Breidablik Islandë 2.583
Ekipet shqiptare (vazoja e të dobëtave)
KF Laçi Shqipëri 1.083
KF Teuta Shqipëri 1.083
KF Kukësi Shqipëri 0.883
Kukësi u bë skuadra e 15-të shqiptare që, debuton në Europë
TRESHJA NË LIGËN E EUROPËS
Kukësi u bë skuadra e 15-të shqiptare që, debuton në Europë. Nënkampionët e Shqipërisë do të marrin pjesë në Ligën e Europës së bashku edhe me Teutën dhe Laçi (fitues i Kupës). Tre ekipet shqiptare ndodhen ën vazon “B”, të ashtuquajtur vazoja e ekipeve me koeficient të ulët. Është një listë shumë të gjatë klubesh në vazon e parë, që përbëjnë kundërshtarin e mundshëm. Një listë që alternohet nga klubet thuajse të pamundur për t’u mposhtur, deri tek ata që mund të cilësohen në një nivel të përafërt me shqiptarët. Pa diskutim që, emrat të cilat duhen evituar, janë Rozenborgu, CSKA e Sofjes, Malmo, Inter Baku, Makabi tel Aviv apo Tromso. Skuadra me një nivel të lartë futbollistik dhe me një diferencë të ndjeshme me përfaqësuesit e Superiores. Havnari i Ishujve Faroe, Valeta e Maltës, Brieablik i Islandës apo TPS i Finlandës nuk kanë një traditë të suksesshme në kompeticione të tilla.
SHORTI DHE DATAT E NDESHJEVE
Shorti i dy kompeticioneve europiane, Liga e Kampioneve dhe Liga e Europës, do të hidhet më datë 24 qershor, në Nion të Zvicrs. Ekipet shqiptare, që marrin pjesë në Ligën e Europës, do e zhvillojnë ndeshjen e parë më datë 4 korrik, ndërsa ajo e kthimit do të jetë një javë më pas. Nëse arrijnë të kalojnë një raund, ndeshjet e ardhshme janë programuar më datat 18 dhe 25 korrik. Ndërkohë, Skënderbeu do e zhvillojë ndeshjen e parë më 16 ose 17 korrik, ndërkohë që dueli i kthimit do luhet më 23 ose 24 korrik.
SHQIPTARËT NË KUPAT E EUROPËS
Tirana 74 ndeshje
Partizani 44 ndeshje
Vllaznia 40 ndeshje
Dinamo 40 ndeshje
Flamurtari 26 ndeshje
Teuta 24 ndeshje
Besa 14 ndeshje
Elbasani 6 ndeshje
Bylisi 4 ndeshje
Skënderbeu 4 ndeshje
Apolonia 4 ndeshje
Albpetroli 2 ndeshje
Laçi 2 ndeshje
Tomori 2 ndeshje
Kukësi 0 ndeshje
SHQIPËRIA, E 43-TA NË RENDITJEN E UEFA-S
Në renditjen e përgjithshme të vendeve europiane, që merr për bazë rezultatet e ekipeve në kompeticionet europiane në pesë sezonet e fundit (nga 2008-2009 deri 2012-2013), Shqipëria zë vendin e 43-të midis 53 vendeve (lëmë pas Maltën, Lihteshtejnin, Luksemburgun, Irandën e Veriut, Uellsin, Estoninë, Armeninë, Ishujt Faroe, San Marinon dhe Andorrën). Të ndara sipas sezoneve, Shqipëria ka këto koeficientë: 0.666 (2008-2009), 1.000 (2009-2010), 0.875 (2010-2011), 0.750 (2011-2012). Në total ka grumbulluar 4.166 pikë, çka përkthehet me pjesëmarrjen e katër skuadrave: një në Ligën e Kampioneve dhe tre në Ligën e Europës. Tri vendet e para ndahen nga Spanja (88.025 pikë), Anglia (82.963 pikë) dhe Gjermania (79.164 pikë), çka përkthehet me 7 ekipe pjesëmarrëse në kompeticionet europiane: katër në Ligën e Kampioneve dhe tre në Ligën e Europës.
EUROPIANI I SHPRESAVE U-21, SOT BOSNJË-SHQIPËRI
Pas humbjes 2-1 me Hungarinë në “Niko Dovana”, përfaqësuesja e 21-vjecarëve të Shqipërisë do të zhvillojë sot ndeshjen e dytë në eliminatoren e Euro 2015, pikërisht kundër Bosnjë Hercegovinës. Në këtë takim që do të zhvillohet në orën 18:00 në stadiumin e Zenicës ekipi Shpresa do të kërkojë të marrë rezultatin e parë pozitiv në grup, edhe pse duket shumë e vështirë që të besuarit e Gegës të mund të dalin me pikë nga kjo sfidë. Përtej faktit që Shqipëria është shortuar në një grup shumë të fortë, kur bëjnë pjesë përveç Hungarisë dhe Bosnjë Hercegovinës edhe Spanja me Austrinë, grupi që ka në dispozicion trajner Gega vazhdon të vuajë në organizimin e lojës, sidomos në fazën sulmuese. Në përballjen me Hungarinë, kuqezinjtë rezistuan vetëm në 30 minutat e parë, ndërsa pas pësimit të golit dolën jashtë detyrave taktike, çka tregoi se duhet ende shumë punë për të ndërtuar një grup kompakt.
