Real Madrid duket se po mendon seriozisht rikthimin e Martin Odegaard, i cili ka shpërthyer në radhët e Real Sociedad. Klubi bask e huazoi këtë verë për 2 sezone fantazistin norvegjez dhe që në muajt e parë ai po shkëlqen me 4 gola e 5 asiste në 16 ndeshje.
Florentino Perez është i bindur që Odegaard do të bëhet një yll në Madrid dhe synon ta marrë që verën tjetër teksa raportet e mira mes dy klubeve do ta lehtësojnë rikthimin e lojtarit më shpejt seç ishin dakordësuar palët.
Aktualisht 21-vjeçari ka kontratë deri në 2023 me Real Madrid por me tu kthyer në bazë, ai pritet të rinovojë edhe për të paktën 3 sezone të tjera.
