Moisi Dalipi: Hapeni stadiumin “Loro Boriçi “ në Shkodër 

65
Sigal

Java e 15-të e Kategorisë Superiore Kukësi 0-1 Vllaznia ! Edhe këtë javë përsëri fiton Vllaznia , që e ruan të paprekur distancën e krijuar në klasifikim  me +9 pikë  me dy ndjekësit më afërt  Partizanin dhe Teutën. Kukësi humbet përsëri dhe bie në krizën e rezultateve dhe  të indentitetit të tij. Të dyja këto dy skuadra ndjekëse të shkodranëve fituan , përkatësisht Teuta e trajnerit shkodran Edi Martini bën mirë detyrën ndaj Bylisit , duke thyer serinë e  gjatë të barazimeve në fushën e saj. Gjithsesi golit të parë të shënuar nga Lorenco Vila  i  është përgjigjur bukur  me atë  gol të dytë me ngjyra shkodrane  djaloshi i ri, prodhim i akademisë  “Vllaznia”, sulmuesi Ildi Gruda. Dhe Bylis mbetet hija e vetvtes këtë sezon. Partizani i rrëmben  bukur një fitore në harkun e  katër minutave korçarëve në një ndeshje  të luajtur në fushën e mbuluar me dëborë, duke treguar se nuk dorëzohet lehtë në luftën për titull. Skënderbeu i rënë tashmë nga “kali “që në sezonin e kaluar, këtë  kampionat do ta ketë të vështirë dhe mbijetesën. Apollonia më në fund  gjen fitoren numër tre  me vlerën e tre pikëve në fushën e saj , çka do thotë se fundin e abonuar  ja u ka lënë pas  14 javëve  kampionëve  korçarë .Gjen  fitoren  dhe “Tirana’’ , ku për shumë minuta  ishte nën pushtetin e  avantazhit të “Kastriotit“, që me golin e  Devis Da Silvës  ju kujtuan kampionëve në fuqi se duhen pa tjetër golat e shënuar nga kapiteni Batha  dhe talenti Ernest Muçi  që skuadra të  justifkoi në fushën e lojës dhe blerjen më të re , ndoshta   dhe më cilësoren,  Taulant Seferin. Skuadra e ‘‘Kastriotit” që solli  atë  vrull  në javët e  para duket se i është  zbehur   dicka  , tani në pjesën e dytë të sezonit.  Dhe ato çka thamë  në  vend të një komenti të stërgjatur , më të qartë  na e japin tabelat me  rezultatet  dhe klasifikimi, që janë  si më poshtë:

KATEGORIA SUPERIORE   JAVA E 14 –TE

Kukësi  0-1 Vllaznia

Kalaja 58`

Teuta 2-0  Bylis

L.Vila 28` , Gruda 65`

Apollonia 1-0  Laçi

Gjata 21`

 Tirana  2-1 Kastrioti

Batha  34`  Muçi 54`/ Devis da Silva 20`

Skënderbeu   1-2  Partizani

Mensah  67`/ Bardhi 3` , Solomon 7`

KLASIFIKIMI KATEGORIA SUPERIORE  

1 .Vllaznia                14     32 pikë

  1. Partizani 14 23 pikë

3.Teuta                     14      23 pikë

4.Laçi                       14     20 pike

5.Tirana                    14     20 pikë

6.Kukësi                   14     17 pikë

7.Kastrioti                14     17 pikë

  1. Bylis 14    12 pikë

9.Apollonia              14    12 pikë

10.Skënderbeu       14    10 pikë

Natyrshëm  që vendi kryesor  edhe në këtë shkrim i takon “Vllaznisë”   ashtu siç e kemi  përherë  në krye të  çdo jave  që nga 10 dhjetori 2020 kur  me shkrimin  e titulluar  “Kujdes , po vjen Vllaznia”  paralajmëronim  galopimin  kuqeblu të shkodranëve në  këtë sezon të futbollit shqiptar . Dhe në fakt kështu  ka  ndodhur  me “Vllazninë” që ka plotë 10 javë që nuk e lëshon aspak kreun e renditjes. Duke ruajtur  përsëri  diferencën  e shkëputjes me + 9 pikë me ndjekësit më të afërt , skuadra shkodrane duket se  tani  i ka bindur edhe më skeptikët  që prisnin  nga java në javë humbjen  dhe rënien e tyre  nga kryesimi. Por këtë javë  “Vllaznia” me fitoren  ndaj “Kukësit “ ka bërë dhe “autokritikën” e  humbjes të pësuar  nga kjo skuadër në fushën e saj  në “Loro Boriçi”  në  atë ndeshje të fazës së parë  të  29 nëndorit 2020  me rezultatin  2-4 , që është dhe  një nga dy   humbjet e pësuara deri tani.  Por këtë rradhë  ka menduar mirë mesfushori shkodran, 25-vjeçari, Arlind Kalaja  që  me atë  gol  të shënuar solli  atë fitore të pritur me ovacione të jashtëzakonshme  tek auditori  në rritje i tifozerisë shkodrane . Por kjo gjë është pritur të ndodhi kështu , jo vetëm në ambientet e stadiumit  “Elbasan -Arena” ku u luajt kjo ndeshje, por dhe as  në Shkodër , por  thuajse në të gjithë Shqipërinë , madje dhe jashtë kufinjëve të vendit. Dhe ndodh  kështu , sepse “Vllaznia” e këtij kampionati ka shtuar rradhët e tifozerisë së saj  edhe me vlonjatë, kavajas, elbasanllinj, gjirokastrit, beratas, lushnjarë  dhe  lezhjanë . Futbolli i bukur dhe rezultativ që luan kjo skudër  të duket se po fiton dhe kryeson në klasifikim  edhe për “Flamurtarin” , “Besën”, “Elbasanin”, “Lushnjen”, “Tomorrin”, “Besëlidhjen”, dhe “Dinamon” të cilat  politikat e mbrapshta  sportive  , si dhe  gjeografia e futbollit “profesionist”  dhe atyre që e kanë shpikur  Kategorin Superiore me 10 skuadra   kanë shumë vite që i kanë lënë  larg “sofrës” të më të mirëve të futbollit shqiptar.  Dhe gjithë kjo tifozeri e këtyre qyteteve  që me skuadrat e tyre kanë shkruar një histori në futbollin shqiptar brenda dhe jashtë vendit  dhe kanë  jo pak trofe , duket se të gjithë dëshpërimin e tyre e harrojën  vetëm kur fiton një skuadër jashtë kryeqytetit  ,sic është “Vllaznia” .Por pa dashur të lëmë jashtë vëmendjes  të gjithë “ekupazhin”  kuqeblu të skuadrës  shkodrane , këtë herë  le të hedhim disa rradhë dhe për trajnerin  kroato- gjerman Tomas Brdariç që më 23 janar  2021 mbush 46 vjec .Ai si  lojtar e preku triumfin e madh, por nuk arriti ta kapte plotësisht , kur ishte pjesë e Leverkusenit të famshëm të sezonit 2001-2002, që arriti finalen e Champions – League përballë Realit të madh të Zidanit e Figos,Po kështu  me këtë skuadër  mbërriti në  finalen e Kupës së Gjermanisë, dhe luftoi deri në javën e fundit për titullin në Bundesligë. Përfundimi ishte një dështim i trefishtë, një dëshpërim jo vetëm për Brdariçin, por sidomos për ekipin, verdhëezi të ‘Aspirinave” siç njihet në opionin  dhe qarqet sportive .Brdariç në biografinë e tij ka 8 ndeshje me kombëtaren gjermane dhe diku në vitin 1997 ka luajtur dhe fituar  2-0 dhe  kundër  U-21 të Shqipërisë. Dhe  ndoshta erdhi në Shkodër 10 gushtin e 2020 pikërisht me këtë synim, të realizojë si trajner atë që nuk mundi ta bënte si lojtar. Pavarësisht skepticizmit të fillimit, tekniku gjermano-kroat po zhvillon një sezon vërtet shumë të mirë me Vllazninë dhe  për meritën e tij personale, por edhe të skuadrës e të gjithë klubit. Shkodranët janë në krye të Superligës me meritë të plotë, me 32 pikë pas 14 javësh, 9 pikë mbi ndjekësit më të afërt. Ndoshta, Brdariçi ka sjellë tek Vllaznia njohuritë e tij si trajner, që i ka fituar në Gjermani, veçse me ekipe jo të njohur si Zolingeni, Shtajnbahu, Tenis Borusia Berlin apo Rot-Vajs Erfurt. Niveli më i lartë i arritur prej tij ishte Shkëndija e Tetovës, ku  në janar 2017 u largua shpejt. Dyzetegjashtë vjeçari,  ka injektuar në ekip frymën dhe personalitetin e tij, ku si një lojtar  nuk dorëzohej kurrë, ndërsa luajti për Leverkusenin, Hanoverin apo Volfsburgun shumë vite. Jo vetëm kaq, por ai ishte thuajse i vetmi që pati karakterin dhe guximin  t’i kundërvihej të frikshmit , portierit Oliver Kahn në një ndeshje kundër Bajern Mynih  në vitin 2002. Gjithsesi, sot  në stolin e Vllaznisë, padyshim që ai mendon  me guxim që pas 21 viteve ta kthejë këtë  skuadër tek  suksesi  i fitimit të  titullit kampion. Edhe pse dikush kur flet dhe lakon  fjalët se “është shpejt të mendohet për   fitimin e titullit”, ai si trajner krejt në të kundërt të tyre ,cdo javë e vlerson si  diçka normale fitoren e skuadrës së tij. Gjithsesi, në Shkodër ka rëndësi që Vllaznia është e para.Vetë Brdariç që është shumë aktiv në drejtim ,është  tepër i qetë në intervistat pas ndeshjeve. Në vijim të fitores ndaj Kukësit  ai u ngacmua se duhet të jetë më i qetë me 9 pikë epërsi. “Unë jam llogaritar shumë i keq”, – ishte përgjigja e tij ,duke lënë të nënkuptohej gjithçka tani  fillon të jetë në  sprintin e saj  drejt javëve  më të forta të kampionatit. Por, ky trajner që është një “leksion’ më vete  për  trajningun e futbollit shqiptar di të festojë dhe  gëzojë  me drejtuesit, skuadrën dhe tifozët e saj. Këtë gjë e bëri   dhe pas kësaj ndeshje, kur pasi ndau me skuadrën , administratorin Alban  Xhaferi dhe kryebashkiaken Voltana Ademi kredon e fitores së rradhës për skuadrën, ai u shkri në etnusiazmin që krijoji grupi i tifozerisë shkodrane përpara stadiumit “Elbasan Arena”.Një entusiazëm që sfidoj të ftohet e  asaj mbrëmje me ngjyrat kuqeblu. Por edhe pse ishin të pakët  në numër dhe që pjesa më e madhe e përjetuan  jashtë stadiumit këtë sukses të skuadrës së tyre , ata  kanë  treguar qytetari me atë entusiazëm  që përcolli deri vonë lugina e Bradasheshit  në Elbasan . Po imagjino  çfarë  është  bërë atë mbrëmje në Shkodër , ku tifozeria e ka djekur ndeshjen nga  ekranet e televizorëve? Si zakonisht kur luan Vllaznia , në momementin e shënimit të golit nga skuadra e tyre dhe në përfudim të ndeshjes , dinë ta festojënë suksesin. Kryetifozi shkodran Tut Rahmani është shprehur  se:-” kur mbaroi ndeshja Kalaja e Rozafes dhe  mali Taraboshit kanë dit çfar kanë hequr nga gjithë ai gëzim popullor”.  Që nga fillim marsi i vitit të kaluar 2020  i mungon  stadiumi  kësaj tifozerie që  me shumë  kulturë përcjell në këtë “arenë” të tifozllëkut  emocionet e saj. Edhe pas kësaj ndeshje, ashtu si dhe në ndeshjet e kaluara, sponsori Alban Xhaferi  do të përsëriste  për të  shumtën   herë kërkesën  për institucionet përkatëse për të lejuar  të pranishëm në stadium  një numër të kufizuar të tifozëve  , duke zbatuar  fortë  rregullat  e protokollit  sanitar. Këtë gjë  e ka përkrahur dhe vetë presidenti i F.SH.F . Armando Duka , i cili është shprehur se : “Jemi të gatshëm të marrin një agazhim të tillë”. Po kur flasim për tifozerin shkodrane , vlersimi  duhet  bërë  jo vetëm se Shkodra ka një stadium  me 16 mijë vende , jo se tifozeria shkodrane  e mbush në çdo ndeshje stadiumin e saj, por për më shumë për atë  që në këtë qytet ku ka lindur  futbolli shqiptar, kjo  loja e magjishme e top-këmbës është kthyer në një lloj besimi  fetar që pak kush  e pengon  të luhet  dhe të ndiqet  plot pasion . Jo shumë larg , por në ndeshjen  e fituar me “Partizanin “ në Shkodër  klubi  pranoi të paguajë gjobën  për pranin mbi numërin e lejuar  në tribuna të tiofezëve  të thekur. Por tani që  duket shumë qartë se kjo Vllazni , po kërkon më  fortë se asnjëherë tjetër të  kthejë  në qytetin e tyre  pas 21 vjetëve titullin kampion , dhe ndoshta   dhe  pas 12 vjetëve  Kupën e Shqipërisë  , ju duhet edhe pse  i kufizuar  dhe masa të forta   higjeno – sanitare stadiumi “Loro Boriçi”. Në kuadër të javës të 15-të Superiores   , ditën e enjte  luhet derbi numër 159 –të i kryqytetit Tirana –Partizani. Do të ishte vërtetë një mrekulli për  shumë arsye  prania  e kufizuar e tifozëve  në stadium. Por më shumë  se kushdo tjetër  këtë gjë e kërkon  Shkodra dhe tifozeria e saj e zjarrtë dhe qytetëruar . Ky sezon po tregon se është i “Vllaznisë” dhe i shkodranëve , ndaj  hapeni stadiumin “Loro Boriçi”!. Shkodra e do futbollin  dhe e di mirë  si të gëzojë dhe ta ruajë  atë si vlerë të çmuar  kombëtare .