Nga Moisi Dalipi
Shqipëria 45 ditë pa futboll dhe 225 ditë pa basketboll dhe volejboll
Na u kujtua jo rastësht këto ditë togfjalëshi “Shtyje, që ta shtyjmë …”. Siç dihet tashmë nga të gjithë, janë duke u zhvilluar gjoja “negocitat” midis Ligës Profesioniste të Futbollit dhe qeverisë për zhbllokimin e situatës në sport, veçanërisht në futboll, pas bojkotimit për mosfillimin e sezonit të ri 2020-2021. Dhe përsëri përfundimi i arritur, nuk ka dhënë asnjë rezultat konkret edhe pse të dyja palët kanë konsmuar dhe “kohën shtesë”, siç quhet ndryshe në lojën e futbollit. Dhe kur të gjithë prisnim të dilte ‘tymi bardhë’ nga “oxhaku” i përbashkët Ligë –Qeveri , përsëri u pa një katran i zi që shumë pak të bën të besosh se do vijë shpejt ndryshimi shumëpritur, edhe pse disa nga “burrat e futbollit|” dolën e bënë premtimet e rradhës. Dhe më mirë se askush tjetër këtë e deklaroi Ministrja e Financave dhe Ekonomisë, zonja Anila Denaj, që pas takimit dypalësh të rradhës tha: “S’ka ende zgjidhje, dialogu vazhdon.” E pra, këtë gjë e thotë kryenegociatoria e qeverisë Rama, që me sa duket e ka marrë tani së fundi këtë rol dhe detyrë, që për më shumë se një muaj ishim mësuar të shikonim deputetin Fidel Ylli të fliste dhe premtonte. Por pak orë më përpëra se ministrja Denaj të bënte dhe detyrën e zëdhënëses të shtypit, presidenti FSHF-së, Duka do të deklaronte se “ u takova me kryministrin Rama dhe më premtoi zgjidhje për ligjet. Duhet konsesus, pa radikalizma, nisjen e vendos Liga.” Janë disi kontraditore këto deklarime edhe pse bëhen nga titullarë të nivelit të lartë. Gjithsesi, një gjë është shumë e qartë, se nëqoftese ka qënë kaq frytdhënës ky takim pune Rama –Duka, përse nuk është zhvilluar më përpara për të mos bërë që Shqipëria deri tani të qëndrojë 45 ditë pa futboll dhe 225 ditë pa basketboll dhe volejboll? Kështu pra, zhvillimet më fundit në sportin shqiptar nuk janë asgjë më shumë, por një kopje e komedisë humoristike të shfaqur vite më parë nga Estrada e Vlorës të titulluar “Shtyje, që ta shtyjmë…”. Dhe në atë shfaqje aktorët e njohur vlonjatë Leka Kruta, Agron Hamo, Afrim Agalliu, Mane Numani dhe Muhamet Lika, i bënin spektatorët të qeshnin me lot gjatë edhe pas shfaqjes. Pak a shumë e tillë është dhe telenovela e shfaqur për konsum, me bojkotin e inicuar dhe udhëhequr nga Liga Profesioniste e Futbollit. Dhe i vetmi dallim që mund të konstatohet në këtë rast është fakti, se aktorët e njohur vlonjat na bënin të qeshnim, kurse këta të Ligës të Fuitbollit dhe qeverisë po na bëjnë edhe të qeshim, edhe të qajmë. Për të qeshur, sepse kjo e quajtur Ligë e Futbollit Profesionist që u krijua më 18 dhjetor 2018, por që për shumë kohë nuk është bërë e gjallë, por vetëm në 4 shtator 2020 u kujtua se më 19 mars 2019 kryeministri Rama në një takim me “burrat e futbollit” kishte bërë 12 premtime për të ndihmuar futbollin. Dhe kishte kaluar shumë kohë që këto premtime nuk po realizoheshin, ndaj si zgjidhje u gjet bojkotimi i fillimit të sezonit të ri të futbollit 2020-2021. Dhe kanë kaluar plot 45 ditë që Shqipëria është pa futboll. Në anën tjetër kjo telenovela e kthyer tashmë në një skenë më vete, por dhe për atë që Shqipëria ka drejtues të shtetit që vetëm premtojnë , që ka dikastere si Ministria e Arsimit, Sportit dhe Rinisë, që jo vetëm nuk kanë thënë asnjë fjalë për këtë bojkotim edhe pse ka komptenca të plota të bëjë këtë gjë, por dhe Ministrinë e Financave dhe Ekonomisë që pas çdo tavolinë bisedimesh bënë mirë detyrën “tërhiq dhe mos lësho”. Dhe për të qënë më konkret jemi të detyruar që nga “ditari “ i Ligës të Futbollit të botuar në gazetën “Telegraf” më 19 tetor 2020 në shkrimin me titull: “Topi futbollit pret “burrat e futbollit dhe qeverinë” do t’i shtonim vetëm takimin Rama -Duka dhe ato çka deklaron minnistrja Denaj, sepse gjithçka tjetër është po ajo, e pandryshuar në çdo drejtim. Për kujtesë të lexuesëve le të sjellim pjesë nga ky “ditar”. Kështu, më 4 shtator 2020 në Minsk të Bjellorusisë, presidentët e klubeve të bojkotimit, që kishin shkuar gjoja si “tifozë” të ekipit kombëtar, në prani dhe të presidentit të FSHF-së Duka, vendosin që të kërkojnë mosfillimin e kampionatit të Kategorisë Superiore më 12 shtator 2020 deri në realizimin e katër kërkesave të bëra qeverisë. Dhe pa kaluar vetëm një ditë, pra më 5 shtator 2020, po nga “Kuvendi Minskut”, Liga Profesioniste bënte me dije zyrtarisht se nuk do të niste kampionati futbollit deri në plotësimin e katër kërkesave nga qeveria. Në këtë kontekst askush nuk di të thotë se pas atij takimi të famshëm të 19 ,marsit 2020 të quajtur ndryshe dhe si “takimi 12 premtimeve të bëra nga qeveria për sportin”, përse janë zhdukur tetë prej këtyre kërkesave ?
Gjithësesi, “burrat e futbollit” vetë i kanë formuluar dhe po vetë ja kanë drejtuar 12 kërkesat në atë takim kryeministrit Rama, që nga ana e tij si kreu i shtetit në çast premtoi se do të realizohen të gjitha që kërkon sporti. Më 12 shtator 2020, dita kur sipas kalendarit zyrtar duhej të fillonte Kategoria Superiore klubet e Superiores me mendim të përbëshkët me Ligën Profesionte bojkotojnë fillimin e kampionatit. Gjithsesi të gjithë kishim rastin të shikonim që në pesë stadiumet ku do niste gara e shumë pritur kemi parë pamje jo të konstatura më parë në historine futbollit shqiptar. Skuadrat së bashku me gjyqtarët kanë dalë në fushë, janë rreshtuar siç e kërkon protokolli dhe kapitenët e skuadrave kanë lexuar mesazhet për solidarizim me bojktimin e kampionatit. Dhe kaq, sepse kështu dhe këtu zyrtarizohej fillimi bojktimit të kampionatit. Po një ditë më vonë, më 13 shtator 2020, qeveria që u kujtua se ajo që thoshte Liga e Futbollit nuk ishte thjeshtë një zhurmë mediatike, dërgon si negociator Fidel Yllin, ose “deputetin e sportit” siç jemi mësuar ta quajnë tani së fundi. Nga ana tjetër përfaqësuesit e Ligës nuk pranojnë të takohen me deputetin Ylli në zyrat e Ministrisë Financave, ku nga vetë qeveria mendohej të “fikej zjarri” ndezuar nga futbolli. Ky refuzim solli replika, kundërshti, akuza dhe kundër akuza. Nga Liga dilnin lajme se kërkohej me çdo kush takim pune vetëm me kryministrin Rama, për të bërë të ditur premtimet e bëra dhe kërkesat e tyre, përndryshe topi futbollit do të vendosej përpara krymenistrisë. Pala qeveritare me anë të deputetit –negociator vendoste si kusht të formës prerë se “po dëshironi të takoheni me kryemistrin, më parë duhet të filloni kampionatin”. Ky kusht nga ana e tyre u pasua ndër të tjera dhe atë se “bojkotimi kishte prapavijë poltike”. Në disa dalje publike duke ju përgjigjur pyetjeve, kryeministri Rama rreth kësaj çështje ndër të tjera do të përgjigjej shkurt: “Futbolli nuk varet nga shteti. Pavarësia që ka si shoqatë jo fitimprurëse i jep të drejtë t’i zgjidhë si të dëshirojë problemet”. Më 19 shtator 2020, kur pritej të zhvillohej java e dytë e Kategorisë Superiore dhe duhej të jepej starti Kategorisë Parë bokjotimi vazhdon. Në fushat e futbollit e njëjta pamje si më parë. Futbollistët skuadrave janë në ndeshjet e tyre pa top. Kapitenët e skuadrave lexojnë mesazhet e tyre me një letër drejtuar qeverisë dhe krymeminstrit Rama me katër kërkesat e tyre. Më 5 tetor 2020, nuk ka asnjë sinjal nga qeveria për kerkesat e detajuara dhe të argumentuara. Ndërkohë FIFA dhe UEFA mbështesin kërkesat e klubeve shqiptare dhe i bëjnë thirrje qeverisë për të gjetur një zgjidhje më të mirë për futbollin. Pikërisht këtu fillojnë lëvizjet duke shfrytëzuar çdo lidhje shoqërore, dhe miqësore deri dhe me dreka dhe darka pune, për të gjetur mundësi komunikimi midis palëve, duke harruar të gjitha atë zhurmë të madhe të ngarkuar keq me akuza midis politikës dhe sportit. Më 12 tetor 2020, kur pritej të realizohej ajo që kishte deklaruar më parë presidenti i klubit të “Tiranës”, Refik Halili se “pas ndeshjeve të ekipit kombëtar për Ligën e Kombeve do të fillonte të lëvizte dhe topi futbollit”, në takimin e rradhës midis jo pak polemikave nga të pakënaqurit, Liga e Futbollit vendos që bojkitimi të vazhdojë. Zëvëndëspresidenti Ligës Koço Kokëdhima shkon deri aty sa thotë se: “Futbolli mund të fillojë në janar 2021 ose ka mundësi dhe në prill 2021, duke zbatuar zhvillimin e kampionatit me sistem grubullimi”.
Më 23 tetor zhvillohet një takim pune Rama –Duka, ku pas tij presidenti FSHF-së do të deklaronte se: “ u takova me kryministrin Rama dhe më premtoi zgjidhje për ligjet. Duhej konsesus, pa radikalizma, nisjen e vendos Liga.” Por nga ana tjetër Ministrja Denaj, pas mbledhjes të rradhës të grupit teknik dypalësh do të deklaronte: “S’ka ende zgjidhje, dialogu vazhdon.” Kështu, edhe pse nuk janë të pakët ata që thonë se “futbolli do të fillojë shumë shpejt”, gjithçka ngjason me atë komedinë humoristike të titulluar: “Shtyje, që ta shtyjmë” .