Lideri i Vllaznisë kalon dëmtimin, gati për sfidën ndaj Dinamos

25
Sigal

Vllaznia nuk po kalon një moment të mirë në kampionët, me shkodranët që në 5 ndeshjet e fundit kanë siguruar vetëm 5 pikë.

Kuqeblutë kanë vuajtur edhe mungesën e lojtarëve të rëndësishëm në ekip.

Njëri prej tyre është Esat Mala. Mesfushori prej disa javësh vazhdon rikuperimin e tij dhe tashmë duket se ka kaluar dëmtimin.

Lideri i mesfushës është bashkuar me pjesën tjetër të skuadrës dhe ka nisur stërvitjen.

“Dritë në fund të tunelit” për Vllazninë e Qatip Osmanit, me këtë të fundit që mund të nisë të llogarisë shërbimet e Malës për sfidën e ardhshme.

Takimi i radhës është ndaj Dinamos në “Loro Boriçi”, sfidë që do të startojë në orën 17:00 ditën e dielë.

Në këto kushte Osmani do të ketë një armë plus për duelin ndaj “Bluve”, teksa do të tentojë të rikthehet te fitorja në kampionët.