Milot Rashica është lojtari i parë që do të largohet nga Ëerder Bremen, teksa agjenti Altin Lala po punon për të transferuar klientin e tij drejt një klubi më të madh. Milan, Napoli, Liverpul e Herta Berlin e kanë vendosur në shënjestër 23-vjeçarin, por duket se Leipzig do të jetë klubi i radhës për djaloshin nga Vushtrria.
Pak ditë më parë për televizionet e Kosovës, Rashica tregoi se Lala është në Gjermani dhe po punon për transferimin e tij drejt një klubi tjetër. Së fundmi është vetë Lala, që pyetet nga mediet gjermane dhe zbulon një prapaskenë mjaft interesante. “Leipzig është një klub interesant. Trajneri dhe stili i tyre i lojës përshtaten me Milotin. Është një klub që i bën lojtarët më të mirë”, tregon Lala, i cili me këtë deklaratë zbulon një pjesë të mirë të tratativave.
