Kombëtarja jonë luan sonte në mbrëmje sfidën e vlefshme për Ligën e Kombeve ndaj Skocisë në stadiumin “Loro Boriçi”.
Panucci ka zgjedhur dhe titullarët që do të luajnë nga minuta e parë në Shkodër. Në portë do të jetë sërish Thomas Strakosha, i cili ka fituar betejën me Etrit Berishën. Mbrojtja gjen Veselin në krah të djathtë, i cili zëvendëson Hysajn, Xhimshiti dhe Mavraj në qendër, ndërsa majtas nga Binaku. Mesfusha do të përbëhet nga Memushaj dhe Xhaka, të cilët do të plotësohen nga Ergys Kaçe.
Në krahët e sulmit janë Uzuni dhe Grezda. Ky i fundit është rikuperuar në kohë dhe do të luajë nga minuta e parë. I vetëm në sulm është Bekim Balaj. Shkodrani do të përpiqet të shënojë për të treguar se e meriton vendin e titullarit.
