Pilotët e Formula 1 janë në mbështetje të viktimave të racizmit dhe në çmimin e Madh të Austrisë me nisjen e kampionatit, do të vendosin njërin gju në tokë. “Disa pilotë kanë folur me njëri-tjetrin, nëse do ta bëjmë, duhet ta bëjmë të gjithë së bashku. Kjo do të diskutohet në takimin e së premtes mes pilotëve dhe Shoqatës së Pilotëve të çmimeve të Mëdha”, ka shpjeguar Lando Norris, pilot i McLaren. “Ne do të bëjmë çmos që të tregojmë se jemi pjesë e të gjithë botës”, vijoi më tej Norris, i gatshëm për t’iu bashkuar lëvizjes “Black Lives Matters”, lëvizja simbol e protestës së lindur pas vrasjes së Xhorxh Flojdit në Shtetet e Bashkuara të Amerikës dhe që është mbështetur gjerësisht nga sportistë dhe institucione sportive në të gjithë globin.
