INTERVISTA/ Ish-trajneri i Dinamos e Partizanit, Dritan Mehmeti, skanon javën e 29-të të Superiores
Agron KAJA
Si i përshkruani rezultatet që u arritën në javën e 29-të të Superiores, dhe 10 golat e shënuar?
Mendoj se kanë qënë ndeshje të luftuara. Rezultatet që u arritën me 10 gola të shënuar, tregojnë se vetëm dy skuadra morrëm maksimumin. Tirana e Bylis po bëjnë hapa të rëndësishëm për mbijetesën, ndërsa Flamurtari po e vështirëson shumë.
Kjo javë u shtri në tri ditë, cilën nga ndeshjet ju mendoni se doli jashtë pritshmërive, apo kishte surpriza?
Nuk mendoj se kishte surpriza, sepse pritej që Flamurtari të tregonte diçka më tepër, të paktën të merrte barazimin. Ky është futbolli! Ndërsa të gjitha ndeshjet e tjera ishin brënda pritshmërive. Te Partizani, Dinamo e Teuta, ka rivalitet për “Final 4”.
Nisur nga renditja në këtë javë, cili është përshkrimi juaj teknik për vendosjen e skuadrave?
Renditjen do ta ndaja në tre blloqe. Vllaznia Elbasani dhe Egnatia për titullin. Grupi i dytë me Partizanin, Teutën e Dinamon që duan të hyjnë në “Final 4”, dhe Bylis, Tirana, Vora dhe Flamurtari që i kanë bërë të pa parshikueshme renditjen.
Java e 30-të ka një kalendar interesant, ku mendoni ndonjë surprizë në këto ndeshje?
Gjatë gjithë kohës deri në fund, do jenë mjaft interesante, si në vëndet e kreut, të mesit dhe fundit të renditjes. Do jenë duele interesante, ku Teuta do ketë trenin e radhës për “Final 4”. Flamurtari-Tirana, përballja për të siguruara mbijetesën.
Tashmë kanë mbetur edhe 7 javë deri në mbylljen e kampionatit, do bëhet e vështirë ecuria e garës?
Të gjitha ndeshjet kanë shkallë të lartë vështirësie, sepse skuadrat duan të arrijnë objektivat, ndaj këto 7 javë do jenë interesante. Referuar kalendarit dhe renditjes , diferencat e vogla që kanë skuadrat mes tyre do ta bëjnë interesante ecurinë e garës.
Në këndvështrimin tuaj teknik, si mund ta formatoni një renditje të Superiores pas javës së 36-të?
Është shumë e vështirë për të bërë një parashikim për renditjen, sepse skuadrat kanë pak diferenca mes tyre. Por nisur edhe nga performancat e pastabilizuara, tre skuadrave të para do tu bashkangjitet Partizani. Në fund, është luftë e hapur, nuk ka një përfundim të saktë se kush do zbresë.
Futbolli në Shqipëri do ndalet dy javë, si mund ta shfrytëzojnë skuadrat këtë hapësirë?
Hapësira do jetë një ndalesë e nevojshme që të rikuperojnë edhe në aspektin psikologjik, dhe atë motor, të rikuperojnë të dëmtuarit dhe të refletojnë ndaj probolematikave. Është një bunus i mirë të rriten në aspektin psikologjik e në rikuperim.
Si e mendoni përballjen e Play-off-it të Botërorit, Poloni-Shqipëri, ka mundësi fitoreje për kuqezinjtë?
Ndeshja Play-off me Poloninë është një test i vështirë, si në aspektin psikologjik dhe atë taktiko teknik. Kam besim se skuadra do bëjë perfomancë të mirë. Ajo ka hedhur hap pozitiv deri në Play-off, dhe presionin më të madh e ka ekipi polak.
Çfarë mund të rregollojë Silvinjo në taktikën e skuadrës dhe në administrimin e lojës?
Duhet të jemi rracionalë, detajistë dhe të menaxhojmë emocionet në fushë. Të luajmë gjithçka për gjithçka, nuk kemi çfarë të humbim. Është një moment pozitiv për Kombëtaren, dhe kam besim se do kualifikohemi, nëse e kalojmë Poloninë.
Formacioni më i mirë i javës, kryeson Tirana
Formacioni më i mirë i kësaj jave nga trajnerët e ekipeve Kombëtare të moshave është ndërtuar sipas skemës 1-4-2-3-1. Portier Totoshi (AF Elbasani). Në mbrojtje: Përndreca (Bylis), Zhongo (Teuta), Marku (Bylis), Gurishta (Vllaznia). Në mesfushë: Fernando (Egnatia), Malomo (Dinamo), Human (Partizani), Lajthia (AF Elbasani), Xhixha (Tirana). Në sulm: Alvarez (Tirana).Trajner, Orges Shehi (Tirana).
ABISSNET SUPERIORE
SEZONI 2025-2026
Ndeshjet-Java 30
E shtunë, 4 prill 2026
Dinamo C-AF Elbasani 17:00
Egnatia-Bylis 17:00
Flamurtari-Tirana 17:00
Partizani-Vllaznia 17:00
Vora-Teuta 17:00
RENDITJA
Skuadrat Nd P
1.Vllaznia 29 53
2.AF Elbasani 29 53
3.Egnatia 29 51
4.Partizani 29 44
5.Dinamo City 29 40
6.Teuta 29 38
7.Bylis 29 30
8.Vora 29 27
9.Tirana 29 27
10.Flamurtari 29 24
KATEGORIA E PARË
SEZONI 2025-2026
Ndeshjet-Java 29
E shtunë, 4 prill 2026
AF Luftëtari-Besa 16:00
Kukësi-Apolonia 16:00
Laçi-Burreli 16:00
Lushnja-Korabi 16:00
Pogradeci-Kastrioti 16:00
Skënderbeu-Iliria 16:00
RENDITJA
Skuadrat Nd P
1.Skënderbeu 28 67
2.Laçi 28 64
3.Pogradeci 28 61
4.Iliria 28 38
5.Kastrioti 28 36
6.Burreli 28 33
7.Korabi 28 32
8.Besa 28 31
9.Apolonia 28 26
10.Kukësi 28 24
11.AF Luftëtari 28 22
12.Lushnja 28 22
KATEGORIA E PARË
Korçarët përforcojnë kreun, ndryshon fundi i renditjes
Kategoria e Parë uli siparin e javës së 28-të me pesë ndeshje të zhvilluara dhe 9 gola të shënuar. Nisur nga rezultatet, ishin përballje të luftuara në fushë, me rivalitet dhe intensitet. Java nisi me barazimin në Fier, Apolonia-Lushnja 0-0, dhe në ndeshjet e tjera, Skënderbeu u rikthye te fitorja duke mposhtur Besën në transfertë 0-1. Fitore të rëndësishme arriti edhe Pogradeci, që mundi 3-0 Burrelin në fushën e tij, ndërsa Laçi u ndal në barazim 1-1 në transfertë përballë Ilirisë, Korabi siguroi një fitore minimale 1-0 ndaj Luftëtarit. Të veçantën e javës e bëri Kukësi, i cili ka marrë fitore me vlera në Krujë ndaj Kastriotit, e dyta radhazi. Kategoria e Parë rinis pas dy javëve me ndeshjet e javës së 29-të.
