Sulmuesi Erling Haland, është vënë në qendër të merkatos europiane dhe skuadra e tij, Borusia Dormund, nuk pranon të heqë dorë nga lojtari pa përmbushur kërkesat e saj ekonomike, plot 150 milionë euro.
Ditën e sotme u përfol për një takim të bujshëm të babait të sulmuesit dhe agjentit të tij Mino Raiola, me presidentin e Barcelonës, Juan Laporta, të cilët flitet se janë ulur në tryezë për të diskutuar mbi një transferim të mundshëm të sulmuesin norvegjez tek blaugranasit.
Si duket Laporta nuk ka qenë i vetmi që dyshja ka takuar, pasi në internet po qarkullojnë video të një takimi të përfaqësuesve të Haland me presidentin e Real Madrid, Fiorentino Perez.
Sipas mediave spanjolle përfaqësuesit e lojtarit, do të takojnë të gjithë presidentët e klubeve që kanë shfaqur një interes konkret për sulmuesin 20-vjeçar, për të vendosur më pas për opsionin më të mirë të mundshëm.
✈El representante de Erling Haaland, tras estar en Barcelona y Madrid de reuniones, también tiene previsto desplazarse a Inglaterra https://t.co/6SNWJMKsW2
— Diario SPORT (@sport) April 1, 2021