“Rilindja e Re” pensionistët i ka në zemrën e saj. Në mandatin e saj të parë i ngopi e premtime. Jo me trasta e thasë, por me zabllofë. U premtoj rritjen e pensioneve, shërbimin mjekësor falas, trasportin urban falas e plot shërbime të tjera. Por në mandatin e dytë të saj, në vend tu rriste pensionet u rriti taksat, çmimet e energjisë elektrike e të ujit (edhe kur mungon e s’rrjedh në rubinetat e çezmave), si dhe çmimet e një sërë mallrave , “tëpër” per mirqënjen e tyre. Por në qoftë se i harroi dy mandate, ja u kujtua tani që po trokasin zgjedhjet për mandatin e tretë.
Kësaj here zgjodhi disa vajza e djem që të ngarkuar me çanta e trasta si llazoret t’i shpërndanin peshqeshet nëpër banësat pensionisteve që t’i gëzojnë dhe me peshqeshe, premtimet qe morrën ti harojnë.
Llazoret sapo mbrrinin në dyert e banesave të tyre, trokisnin me të madhe.
Pensonisti apo pensonistja sa hapnin derën, llazoret fillonin:
Zotërinj e zonja
Erdhëm tu gëzojmë
Dhe disa peshqeshe juve tu dhurojme.
Miell pako dy a tri për byrek e pispili
Për lakror e kurabi për pilaf e kabuni
Vaj të mire për hallva dhe sheqer për bakllava.
Makarona si t’idoni,mos harroni t’i shijoni
Rilindja ja u dërgon dhe nga zemra ju uron.
Shëndet e gëzime Por u lutet mos harroni
Votën ”Rilindjes tia dhuroni.
Të marrë mandatin e tretë ta bej vendin si di vetë
Lumtëri e begati, bukuri edhe stoli.
Llazoret të ngarkuar shkojnë nga njëra banesë në tjetrën ku banojnë pensionistët. Ato lodhen për t’u ngjitur në pallatet e larta pa ashensor (shpesh këta janë “zaif” ) dhe sapo trokasin në derë e çelet dera, në majë të gjuhës e kanë këngën:”Zonja dhe zotërinj erdhëm t’u gëzojmë”.
Rruga vazhdon drejt kullave. Kur arrijnë të ngjiten në atë më të lartën u duket sikur janë ngjitur në malin e Dajtit dhe shikojnë kryeqytetin si në pëllëmbë të dorës që nga Sauku e deri te mbikalimi e Maminasit e më tej akoma. Prandaj se si të mos i thurin vargje e t’i këndojnë projektuesve e ndërtuesve të tyre:
Ngrite kullat deri në re
Lule moj “Rilindje Re”
Dy këtu e tri atje,
Lule moj “Rilindje e Re”.
Dhe bashin՚ pas e ke,
Me qysqi e me vare,
Lule moj “Rilindje e Re
Sheshet i punove
Me beton i shtrove
Dhe vërtet “Rilindja e ”Re s’i mbajti premtimet ,që do t’i gëzonte pensionistët duke ua shtuar pensionet , por tani që po përfundon mandati i dytë e po rent të marrë të tretin, e zgjidhi qesen duke i gostitur për tetë vjet me 80 kafe.. Prandaj llazoret s’ka si mos këndojnë:
Për tetë vjet 80 kafe,
Lule moj “Riulindje e Re”