Matrapazët e supermarketeve ndërrojnë etiketat e produkteve të peshkut

117
Sigal

Peshku, informacioni që duhet të jetë në etiketa në supermarkete dhe restorante

Etiketa e peshkut është ndoshta një nga më komplekset në panoramën e produkteve ushqimore, sepse duhet të jetë në përputhje me legjislacionin e përgjithshëm dhe atë specifik për produktet e peshkimit. Qëllimi është t’i mundësojë konsumatorit të dallojë peshkun e freskët nga peshku i ngrirë, të identifikojë zonën e peshkimit dhe të ketë elementë të tjerë të rëndësishëm të vlerësimit. Etiketa ndryshon sipas kategorive dhe shitësi duhet t’i paraqesë ato gjithmonë në një mënyrë transparente dhe të qartë, pasi ato janë mjetet kryesore të informacionit mbi karakteristikat cilësore dhe sasiore të produktit.

 

Shërbimi shëndetësor i Emilia-Romagna ka krijuar një broshurë për produktet e peshkut për të ndihmuar njerëzit të kuptojnë se cili informacion është i detyrueshëm për ta raportuar në etiketat dhe menutë e restoranteve (broshura nuk përshkruan përgatitjet e peshkut dhe konservat ) Informacioni i detyrueshëm i kërkuar në përgjithësi është më i ulët në rastin kur produktet shiten me shumicë për shpërndarje të menjëhershme tek klientët (shitësit e peshqve), ndërsa etiketat më të detajuara jepen për peshkun e shitur të paketuar. Një seri informacioni kërkohet gjithashtu në menutë e restoranteve, të tilla si specifikimi se kur është shkrirë ose ngrirë peshku, si dhe një listë të çdo alergjeni.

 

Ka disa aspekte pak të njohura për publikun e gjerë të theksuara në broshurë siç është detyrimi për të treguar në listën e përbërësve aditivët, e përdorur si antioksidantë, acid limoni dhe listën e substancave që krijojnë alergji.